Dështon sërish përballja e të penduarit të drejtësisë me Grupin e Shullazit, ja arsyeja

Sërish ka dështuar përballja e të penduarit të drejtësisë Luftar Reçit me Emiljano Shullazin dhe grupin e tijë në Gjykatën e Posaçme Kundër Korrupsionit dhe Krimit të Organizuar.

Mësohet se shkak është bërë mungesa e gjyqtares së çështjes, Etleva Dedës, e cila prej disa kohësh ndodhet në spital pas problemeve shëndetësore.

Seanca e radhës është caktuar të mbahet më 27 janar në orën 08:30.

Ndryshe, sot pritej përballja e Emiljano Shullazit, Viktor Ymerit, Indrit Rusit dhe Indrit Taullaut me Luftar Reçin, edhe ky i arrestuar për vrasjen e Vajdin Lames dhe Klodian Saliut në vitin 2005.