Dështon sërish pretenca për Emiljano Shullazin. Ja arsyeja…
Dështon sërish pretenca për Emiljano Shullazin.
Mësohet se një nga anëtarët e grupit, Blerim Shullazi është shprehur se është i sëmurë dhe nuk mund të ishte i pranishëm në gjykatë. Kjo është bërë shkak që të shyhet pretenca për Emiljano Shullazin dhe grupin e tij, për datën 2 tetor .
Ndryshe, pretenca për ditën e sotme ishte parashikuar për në orën 09:00. Ndërkohë forca të shumta policie blinduan mëngjesin e sotëm Gjykatën e Krimeve të Rënda.
Sot në pretencë shteti përfaqësohej nga grupi i prokurorëve të Krimeve të Rënda i kryesuar nga Donika Prela dhe zëvendësi i saj Gentian Osmani. Ndërsa emrat e dy prokurorëve të tjerë priteshin të bëheshin të ditur në nisje të seancës.
Dje Ambasada amerikane në Tiranë në përgjigje të VOA për këtë çështje tha se mbështesin prokurorët e guximshëm që kërkojnë drejtësi, edhe kur ka rreziqe.
Çështja Shullazi shkatoi një përplasje në Prokurorinë e Përgjithshme dhe atë të Krimeve të Rënda pak ditë më parë. Kryeprokurorja Arta Marku bëri lëvizje në Prokurorinë e Krimeve të Rënda dhe kërkoi hetim disiplinor për 10 prokurorët që nuk pranuan të merrnin përsipër çështjen. Pas debateve u zgjodh dhe katërshja e prokurorëve që do hetojnë “Shullazin”.
