Dështon votimi i Projektligjit për Rimëkëmbje Ekonomike
Pavarësisht se ishin prezent deputetët e Parlamentit të Kosovës sërish nuk votuan Projektligjin për Rimëkëmbje Ekonomike, derisa vetëm 40 prej tyre morën pjesë në votim.
Në vazhdimin e seancës plenare kryetarja e Parlamentit të Kosovës, Vjosa Osmani duke lëvduar punën e deputetëve ka fajësuar sërish Qeverinë e Kosovës se nuk ka sjellë projektligjet në Kuvend për miratim.
Në seancën e parë të sesionit vjeshtor është hedhur në votim Propozim-Rezoluta lidhur me menaxhimin e Pandemisë COVID-19, të propozuar nga Grupi Parlamentar i Lëvizjes Vetëvendosje, nuk ka kaluar në seancë.
“E kam për detyrë dhe në emrin tuaj që sërish t’i refuzoj propagandat se deputet e kuvendit të Kosovës nuk e kanë kryer punën e tyre. Nga 120 ligjet që trumbetoheshin që kinse deputetët nuk i kanë trajtuar në faklt nuk kanë ardhur në kuvendin e Kosovës, sepse nuk i ka sjellë qeveria e Kosovës,” tha Vjosa Osmani.
Ndërkohë në mungesë të kuorumit ka dështuar edhe votimi i Projektligjit për Mbrojtjen e Vlerave të Luftës së UÇK-së. Vetëm 40 deputetë kanë marrë pjesë në votim. Lidhja Demokratike e Kosovës dhe Lëvizja Vetëvendosje nuk kanë marrë pjesë fare në votim ndërsa pritet që kjo pikë do të hidhet serish në votim në seancën e radhës.
Gjithashtu me 28 vota për, 52 kundër dhe 1 abestim nuk ka kaluar as Propozim-rezoluta nga debati parlamentar për situatën financiare të Telekomit të Kosovës, pas lejimit të përmbarimit të Vendimit Përfundimtar OEN nr. 20990/MHM, të Gjykatës Ndërkombëtare të Arbitrazhit pranë Dhomës së Tregtisë dhe Industrisë në Paris, të propozuar nga Grupi Parlamentar i Lëvizjes Vetëvendosje.
