Detajet/ Informacioni për sekuestrimin e 1.5 milionë eurove erdhi nga…

Detaje të reja janë bërë publike në lidhje me shumë e madhe të eurove që u sekuestruan sot në portin e Durrësit.

Sipas informacioneve që bëhen publike nga News 24, mësohet se Policia në Shqipëri ishte njoftuar nga autoritetet italiane.

Bëhet me dije se autoritete në Itali, kishin lajmëruar se një automjet i nisur nga porti i Ankonas kishte mallra të paligjshëm.

Sasia e madhe me euro është sekuestruar në portin e Durrësit. Sipas burimeve bëhet fjalë për një sasi të madhe që shkon deri në 1.5 milionë euro.

Valuta po futej në territorin shqiptar, por është pikasur dhe sekuestruar nga policia.

Eurot me prerje 100-she ishin fshehur në një makinë tip “Toyota Yaris” pa targa. Mjeti ishte nisur nga Belgjika me bizark dhe nuk kishte destinacion përfundimtar.