“Detyrim paraqitje” në SPAK, Berisha: Sot do të faktoj para jush se si Dumani fle mbi dosjet e krimit

Ndonëse SPAK dhe GJKKO afërmendsh kishin për qëllim denigrimin e figurës së Ish-Presidentit të Republikës dhe Ish-Kryeministrit Sali Berisha duke i caktuar masën “detyrim paraqitje” edhe sot kur hetimet janë mbyllur dhe çështja është dërguar në Gjykatë, Kryetarit aktual të Partisë Demokratike iu hap edhe një tribunë denoncimi prej së cilës ai paralajmëroi që në hapjen solemne para futjes në Prokurorinë e Posaçme se sot do të faktoj se si kreu i kësaj prokurorie Altin Dumani, fle mbi dosjet e krimit.

Pas paraqitjes rutinë në SPAK ku përveç mediave ishin dhe demokratët që vazhdojnë ta mbështesin hap pas hapi, Kryetari i Partisë Demokratike publikoi përgjime skandaloze, ku sipas tij, Taulant Balla urdhëroi arrestimin e Çapjave në këmbim të votave, dhe Prokuroria e POsaçme zbaton urdhrin e tij.

“Siç e dini, organizata kriminale Skapi i partisë kërkoi nga gjykatësi kukull që Sali Berishës t’i rikthehet arresti në shtëpi, jo se prish provat, jo se kanë asnjë fakt, por sepse ka sulmuar gjykatëset dhe prokurorët.
Këtu ne arrijmë në një moment dramatik, në momentin kur këta kriminelë që flenë mbi dosjet e krimit dhe bashkëpunojnë me krimin, vendosin të bëhen xhelatë të fjalës së lirë.
Sali Berisha i ka sulmuar, do t’i sulmojë të gjithë ata që bashkëpunojnë me krimin dhe kurrë njerëz të ndershëm, njerëz që bëjnë ligjin.

Sali Berisha ka sulmuar dhe do faktojë që sot para jush se si Altin Dumani fle mbi dosje krimi.
Do faktoj para jush se si këta anëtarë të organizatës kriminale, në deklaratat e tyre, deklarojnë siç deklaron Dumani se e kam blerë me 380 metër katror apartamentin, kurse ekspertët e tij i urdhëron të vlerësojnë me 520 metër katror ndërtimin e viteve ’70.
Ndërtimi i viteve 2000 e sa vlerësohet me 380, kurse ndërtimi i viteve 70 vlerësohet me 520.
Altin Dumani është një kryekriminel elektoral sepse ka mbyllur të gjitha dosjet e krimit monstruoz elektoral.
Aty gjeta McGonigalin që po i bënte kurs Altin Dumanit, po e trajnonte Dumanit. Nuk e solla unë McGonigalin aty, ai i thoshte se në këtë mënyrë duhet të veprosh herët e tjera.
Gjeta aty Lali Vjedhësin, po rrihej me kolegët sepse ju thërrisni Ajolën këtu dhe nuk thërrisni Lindën që e keni të regjistruar duke ndërhyrë në tenderat e AKSHI-t, regjistrim ambiental.
Gjeta aty Ulsin, po zihej me Dumanin aty për çantën Louis Vuitton. Sepse Ulsiu, pasi ka marrë një pagesë të madhe shumë, i kërkon me dokumente çunit të Londrës edhe një çantë Louis Vuitton. I thotë ai për kë e do ti, nuk e them bisedën tjetër se është intimitet familjar.
Unë gjeta aty raftet me 130 milionë euro të djegësit të Tiranës që po i ndanin si çakej me njëri-tjetrin.
Gjeta paratë e sterilizimit, të cilat përsëri kishin arritur këtu,” tha Sali Berisha para Prokurorisë së Posaçme duke publikuar dhe përgjime ku lakohet emri i të plotëfuqishmit të Elbasanit dhe çunave të Londrës, Taulant Balla.

“Tani me datën 10.2.2020, target është njëri nga banditët e bandës së Elbasanit, informon me PIN, me telefonin e tij AM5P80, se kishin rënë dakord mes tyre që të mos i kërkonin Taos tender publik apo favore të tjera përveç atyre që kishin rënë dakord që t’i kërkonin Taos.
Ky mesazh iu përcoll Taos dhe i dhanë afat deri në dhjetor.
Taos i kishin kërkuar arrestimin e kundërshtarëve të tyre.
Tao iu përgjigj kësaj: A garantoni që të gjithë ata njerëz do votojnë për ne nëse vendosim në listë ata që doni në burg?
Pra, do na i siguroni ju votat nëse ne me listë i burgosim ata që kërkoni ju?
Përgjigjia ishte: Po, ne e garantojmë këtë.
Më pas Tao tha: Ata do shkojnë në burg këtë vit.
Tani, komenti tjetër.
Tao është fiks Taulant Balla, është një kriminel që është vetëm njëri nga të shumtat të dhëna që ka në dosjen e vet.
Përgjigja është se ne garantojmë votat në qoftë se ti arreston listën që të kemi dhënë për të arrestuar.
Sipas këtij premtimi u arrestuan Çapjat me kërkesë të Çelëve.
Kjo është e vërteta.
Ata shkuan në burg në mars të vitit 2021, para zgjedhjeve, në mënyrë që Tao të dilte kampion i votave në Elbasan,” tha lideri i opozitës duke konstatuar:
“Çfarë del nga kjo? Që Tao përcakton tendera, që Tao përcakton vendimet e gjykatave, që Tao merr përsipër me listë arrestimet,
dhe në kundërpërgjigje, Tao merr garanci për votat.
Ky është vetëm një aspekt i dokumenteve të pafundme që kam unë për organizatën kriminale që unë e quaj Skrapi i partisë.
Tao shëtit nga një vend në një vend tjetër dhe këto janë vetëm njëri aspekt sepse janë të tjera, konkrete për të, po kaq të rënda dhe më të rënda.
Avash-avash do keni me radhë, unë jam zotuar se do u faktoj pse e cilësoj Altin Dumanin kreun e një organizate kriminale.
Sepse Altin Dumani i ka këto prej kohësh, por vepron njëlloj si Lubi Balluku dhe Edi Rama, Rama jepte për një hyrje një leje ndërtimi, Lubia që është e pashembullt në Ballkan dhe Europë, ndau 13 kilometra rrugë në 14 kontrata.
Këto nuk janë nga Skrapi, janë një burim tjetër. Këto janë nga një qendër e huaj,” tha Beirsha duke i shpërndarë gazetareve të pranishëm edhe dokumentin me këto përgjime të zbardhura.

Me këtë rast, Kryetari i Partisë Demokratike u shpreh i bindur se ka fituar 100 për qind kauzën e tij për mbrojtjen e Kushtetutës dhe se kjo masë sigurie do i shtojë votat.

“Vendosa të zbatoj vendimin sepse ka një proces parlamentar të pseudo-mazhorancës kundër meje, e cila autorizoi drejtësinë, unë nuk mund të them se nuk ekziston ajo, pavarësisht se ishte antikushtetues, por ishte një proces parlamentar.
Dhe unë, në të gjithë kërkesën time, nuk kërkova asgjë tjetër vetëm të zbatohet Kushtetuta.
Ata nuk zbatuan Kushtetutën, por parlamenti votoi. Përderisa votoi parlamenti…
Unë e kam fituar 100 përqind kauzën time për mbrojtjen e Kushtetutës.
Unë mbrojtja Kushtetutën dhe kushtetutshmërinë sepse unë jam personi që në vitin 2012 kam kërkuar abrogimin e nenit 73, pika 2 të Kushtetutës. E kam çuar në parlament. Por përderisa është në fuqi, çdo akt në ndeshje të tij është puç kushtetues,” tha Kryetari i Partisë Demokratike, Sali Berisha, duke përfunduar:

“Kjo masë sigurie do më shtojë më shumë votat sepse u faktua kjo.
Këtë qëndrim mbajtën Sorosianët ndaj Donald Trump, po kombi amerikan dha verdiktin e vet.”

Ndryshe, sot Kryetari i Partisë Demokratike, Sali Berisha, u shfaq në SPAK për të zbatuar vendimin e Apelit të GJKKO i cili i caktoi masën e sigurisë “detyrim paraqitje” ndonëse nuk e kërkoi as SPAK, detyrim të cilin Berisha duhet ta zabtoj dy herë në muaj!