Dhaka, zjarr në pjesën historike, 78 të vdekur dhe…

Të paktën 78 të vdekur dhe mbi 40 të plagosur është bilanci i shpërthimit të zjarrit në një lagje banimi  ku ishte një depo me materie kimike në pjesën historike të kryeqytetit të Bangladeshit, Dhaka.

Duke raportuar këtë lajm tragjik, zjarrfikësit bëjnë të ditur se gjatë gjithë natës kanë luftuar me flakët, që dyshohet se u shkaktua pas shpërthimit të një bombole me naftë që ruhej në një makinë.

Zjarri u përhap shpejt në gjithë zonën ka sqaruar për CNN, Zv/komisari i Policisë në Dhaka, Ibrahim Khan, ndërsa u përfshinë një restorant dhe pesë godina banimi.

Dy nga godinat e banimit janë dëmtuar aq shumë sa policia ka frikë se mund të shemben. Zyrtarët lokal theksojnë se numri i viktimave mund të rritet.