“Dhembshuria Ramës”/Përgjigjet, Basha: Ti nuk punon për shqiptarët, por për krimin!

Kryetari i Partisë Demokratike, Lulzim Basha i është përgjigjur “dhembshurisë” së Edi Ramës i cili kur krijoi idenë se kishte mbyllur “ekspertizën Babale” filloi të flas për “dështimin e radhës së Bashës” me pamjet që do të rezultojnë “pa Taulantin” nga kamerat e komisariatit të Fushë Krujës, të cilat vazhdon ti kërkojë opozita.

“Piktori i dështuar është zhytur në artin e telenovelave: shkruan, dirigjon, interpreton dhe ju servir shqiptarëve përditë nga një shfaqje bajate, ku kriminelët janë heronj dhe ku krimi është virtyt.”

Shqipëria nuk ka më kryeministër. Shqiptarët nuk kanë më qeveri që mendon e punon për ta dhe hallet e tyre, konstaton Lulzim Basha, dhe në vend të sigurisë, punësimit e mirëqenies, tani e tutje shqiptarët do të kenë vetëm telenovela.

Ndërkohë qeveria, policia dhe prokuroria punojnë çdo ditë për t’i garantuar sigurinë, qetësinë, dhe paratë kriminelëve. Sepse Rama mendon dhe vepron vetëm për të mbrojtur kriminelët, vlerëson kryetari i PD duke shtuar.

“Ndaj çirret e betohet nga mëngjesi në darkë për të mbrojtur Tahirin, Xhafajan, Ballën, Rrajen, Çyrbjen, Gjushin, e kriminelët e lidhur me ta. Edi Rama nuk është më kryeminsitër por vetëm një dordolec që krimi e tund përditë në publik për të kërcënuar dhe trembur shqiptarët.”

Por shqiptarët nuk tremben, thekson kryetari i PD, Lulzim Basha duke përfunduar:

“Unë as trembem dhe as shantazhohem. Sepse nuk jam peng i krimit. Sepse kurrë nuk më ka lidhur asgjë me kriminelët. Sepse sado t’i mbrojë Rama kriminelët dhe mbrojtësit e tyre, ata të gjithë do të përfundojnë atje ku e kanë vendin.”

Ndryshe, Edi Rama kur krijoi idenë se gjithcka ka nën kontroll ndërsa kishte urdhëruar lëshimin në qarkullim për opinionin ekspertizën e zërit të Babales bënë sikur ironizon duke shitur “dhembshuri” ndaj kundërshtarit politik:

“Nuk të vjen zëri dhe s’ke faj! E di dhe unë sa thellë je futur miku im po s’të ndihmoj dot. Nuk ecet me teatër se ja si vjen puna,del një aktor i papaguar e të nxjerr cullak! Po me kamerat e komisariatit si i bëhet(?)se aty as Taulanti as ai polici s’janë fare! Apo po fle ti tani?”

Reagimi i plotë i Luzim Bashës:

Piktori i dështuar është zhytur në artin e telenovelave: shkruan, dirigjon, interpreton dhe ju servir shqiptarëve përditë nga një shfaqje bajate, ku kriminelët janë heronj dhe ku krimi është virtyt.

Shqipëria nuk ka më kryeministër. Shqiptarët nuk kanë më qeveri që mendon e punon për ta dhe hallet e tyre. Në vend të sigurisë, punësimit e mirëqenies, tani e tutje shqiptarët do të kenë vetëm telenovela.

Ndërkohë qeveria, policia dhe prokuroria punojnë çdo ditë për t’i garantuar sigurinë, qetësinë, dhe paratë kriminelëve. Sepse Rama mendon dhe vepron vetëm për të mbrojtur kriminelët.

Ndaj çirret e betohet nga mëngjesi në darkë për të mbrojtur Tahirin, Xhafajan, Ballën, Rrajen, Çyrbjen, Gjushin, e kriminelët e lidhur me ta.

Edi Rama nuk është më kryeminsitër por vetëm një dordolec që krimi e tund përditë në publik për të kërcënuar dhe trembur shqiptarët.

Por shqiptarët nuk tremben. Unë as trembem dhe as shantazhohem. Sepse nuk jam peng i krimit. Sepse kurrë nuk më ka lidhur asgjë me kriminelët. Sepse sado t’i mbrojë Rama kriminelët dhe mbrojtësit e tyre, ata të gjithë do të përfundojnë atje ku e kanë vendin.

Ja postimi i plotë i Edi Ramës:

Nuk të vjen zëri dhe s’ke faj! E di dhe unë sa thellë je futur miku im
po s’të ndihmoj dot. Nuk ecet me teatër se ja si vjen puna,del një
aktor i papaguar e të nxjerr cullak!Po me kamerat e komisariatit si i
bëhet(?)se aty as Taulanti as ai polici s’janë fare! Apo po fle ti tani?