Dhjetëra fatura prokuroria i përjashtoi nga dosja Veliaj, Berisha: Socialistët bënë avokatinë e hajdutit të shpifur

Debati në mes të avokatëve socialistë të hajdutit Erion Veliaj dhe denoncuesve demokratë nga ana tjetër në seancën plenare të Parlamentit të Shqipërisë përfundoi me ndërprerjen e seancën nga ana e kryeparlamentares Elisa Spiropali por kjo nuk e ndaloi Kryetarin e Partisë Demokratike, Sali Berisha, të mbajë premtimin e dhënë dhe të publikoj para Kuvendit dhjetëra fatura që prokuroria i përjashtoi nga Dosja “Veliaj”.

“Të ndërpresin diskutimet dhe të kalojnë në votim pa diskutime. Po shfrytëzojmë në vend të platformës së parlamentit, oborrin e parlamentit për të paraqitur, për të denoncuar të vërtetat.
Ndryshimet e kodit ne do ti votojmë sepse kanë të bëjnë me votën e emigrantëve dhe sigurisht që del e qartë si kristali se, Edi Rama konstaton se ajo votë është kundër tij dhe se po bën gjithçka për ta bllokuar.
Por ne votojmë, kurrë nën censurë. Censura është e papranueshme.
Ju e patë sot, çështje kryesore për socialistët nuk ishte vota, problemet e qytetarëve, por avokatia ndaj një hajduti të shpifur, që Shqipëria përveç Edi Ramës dhe Lubi Ballukut nuk ka pasur një si ai. Erion Veliaj të cilin tani përpiqen ta shfajësojnë, për të cilin janë vërsulur me tërbim me të gjithë egërsinë e tyre, atyre që vendosën arrestimin e tij, ndërkohë kur sot Edi Rama sot fliste për torturën.
Por nëse është torturuar publikisht në historinë e Shqipërisë dhe diktaturës komuniste, është torturuar publikisht me urdhër të Ramës, ish-presidenti, ish-kryeministri, ish-kryeparlamentari Ilir Meta.

Kurse sipas Edi Ramës Erion Veliaj, qenka burgosur në mënyrë të paligjshme, antikushtetuese dhe të gjitha këto me hallin e vetëm se, gardëroba e Velicës ngjet shumë me garderobën e Ramicës.
Se vjedhjet dhe favoret që Erion Veliaj ka patur me lejet e ndërtimit, janë të pakrahasueshme me vjedhjet dhe favoret që Edi Rama ja nxjerrë me lejet e ndërtimit. Se vjedhjet e Ramës dhe tenderat që ka dhënë për favore janë të pakrahasueshme me ato që ka dhënë Rama, psh: Ndërtuesi i pallatit në pajë, ka marrë 100 e ca milionë euro tendera nga qeveria e Ramës.
Se vërtetë Arbri vëllai i Erionit, është një hajdut si vëllai i madh, por nuk është më pak baxhanaku. Baxhanaku i Edi Ramës është një peshkaqen shumëfishi i Arbrit në tendera. E ka shndërruar AKSHI-n në kopshtin e familjes Rama.
Se vërtetë Rama përpiqet me çdo kusht të mbyllë mikrofonët e parlamentit, sepse aty do të dilnin të gjitha të dhënat në të cilat del se Erion Veliaj është një kopje e shpifur e Ramës,” tha Sali Berisha duke konstatuar se Edi Rama është në të gjitha aspektet një shumëfish në hajni i Erion Veliajt.

“Është e vërtetë që Veliaj ka bërë favore të mëdha Arbrit, por favore më të mëdha i ka bërë Rama, Olsit.
Është e vërtetë që ato eurot 500 mbajnë erë trafiku e droge, por ishin dhe të mykura, por është e vërtetë se Xibraka e ka pudrosur në mënyrë përfundimtare para opinionit shqiptar dhe ndërkombëtar, Olsin dhe Ramën.
Është e vërtetë se, Lali Vjedhësi ka udhëtuar me charter, por e vërteta është se ai ka udhëtuar 10 herë më pak se Rama. Pra Rama ka udhëtuar me charter 10 herë më shumë dhe ato chartera janë shoqëruar të gjithë me leje ndërtimi.
Është e vërtetë se Erion Veliaj ka bërë udhëtime, vakanca, por detokset si Edi Rama me 10 mijë euro hotelin nuk i ka bërë kush tjetër në Shqipëri. Pra të gjitha këto kanë vetëm një qëllim, të shmangin ngjashmërinë që krijojnë Veliaj me Ramën para publikut shqiptar,” tha lideri i opozitës ndërsa foli për dhjetëra e dhjetëra fatura që do paraqiste në parlament, që prokuroria i ka përjashtuar nga Dosja “Veliaj”.

“Ju i dëgjuat mëkatarët se si ngriheshin në një kohë që kanë marrë me dhjetëra tendera nga Erion Veliaj dhe tani donin garderobën e barabartë me Lalja Assadin. Kur ajo u arratis në Rusi, një nga lajmet ishin se gardebora e asaj kushtonte 1 mln euro. Por doli që gardëroba e Velicës me fatura doganore, të blerjeve online shkonte 867 mijë euro.
Por unë kam aty çantë dhe do ti paraqisja në parlament, dhjetëra e dhjetëra faqe me fatura që prokuroria i ka përjashtuar nga dosja, ose nuk ja kanë dhënë doganat.
Pyetje: Çfarë janë këto fatura?
Sali Berisha: Fustane 3 mijë paundë, 2800 paundë. Kam dhe fotot dhe faturat. Ajo që është interesante në dosje është se viti 2014 ka një kryq në dosje, nuk ekziston. Viti 2015 ka vetëm 1/5 e blerjeve online të Velicës.
Çfarë bënë këta? Edi Rama i thotë Gjylametit, i thuaj se po merresh me fustane grash. Thjeshtë janë fustane grash është konotacion tjetër. Por kur këta i bëjnë gratë hajdute është turpi i tyre, se këta tregojnë se përdorin familjarët për të vjedhur në mënyrë të papërmbajtur.”

Me këtë rast Berisha iu përgjigj Taulant Ballës duke saktësuar se çdo qindarkë e paguar për të bërë transparencë nga ai dhe familja e tij, është bërë në rrugë bankare dhe e deklaruar në ILDKPI.

“Ju e dëgjuar Taulant Begoyarisin që bëri një deklaratë për pagesat që kam bërë unë në Angli për avokatin. Tani përgjigja ime:

Çdo qindarkë e paguar për të bërë transparencë nga unë dhe familja ime, është bërë në rrugë bankare.
Çdo qindarkë është deklaruar në ILDKPI. Asgjë pa deklaruar.
Çdo qindarkë është tatuar dhe e ardhur nga burime të ligjshme dhe të deklaruara. Paratë e paguara nuk vijnë nga biznese që ditën fitojnë tendera dhe natën derdhin ryshfete në llogaritë e Jolkës dhe Erionkës, apo të Edit dhe të Lindës, të dyve.
Nuk është bërë me eurot apo fondet e taksëpaguesve europianë apo amerikanë, që pëfundojnë në fustanet e Jolkës, në orgjitë e Erionit.
Nuk janë paratë e inceneratorit që nuk ekziston, të grabitura nga Edi Rama dhe Erion Veliaj.
Nuk janë as paratë e checkup që lë pa ilaçe të sëmurët me sëmundje malinje.
Nuk janë paratë e sterilizimit, të grupit të strukturuar kriminal me në krye Edi Ramën.
Nuk janë paratë që Edi Rama përmes Duçkëve të tij, i jep për të korruptuar McGonigalin.
Nuk janë as nga lidhjet me bandën e Elbasanit, që përdor Taulant Balla kjo prostitutë politike për të burgosur kundërshtarët e tij politikë.
Kjo është deklarata lidhur me ato ç’ka tha njeriu me 5 mbiemra, njeriut të cilit prap ua kam lexuar dhe lexoj, sepse është minierë në botën e nëndheshme,” tha Kryetari i Partisë Demokratike duke publikuar dhe mesazhet e Ramës nga viti 2005 që janë në Dosjen e cila është në prokurori, brenda së cilës është edhe Erion Veliaj

“S’di si do ti bëjë nder Ballës.
Radovan Çela: Këto ditë po më pyet do të jetë prap Balla, apo do të jesh ti.
Vladi është personi që ka pritur paratë. Okej se flas unë, por të ma tregojë mënyrën se si do e mbyllë. Balla si do e mbyllë çështjen e parave.
Çela: Nga Tao Tao, dhe thotë se i në rregull letrat.
E kuptoni ju, dmth do ta zgjidhe problemin.
Daupaj, famozja Mata Hari e BKH-së: Kishte të drejtë bundra. Nuk duhej toleruar që në fillim, aty ku do të shkojë ai, do të ja djegim letrat me benzinë.
Çela: Se bundra luan edhe me Taon.
Këtu hajde merre vesh ti, kush mund të jetë kjo. Të jetë ajo gjykatësja që e ekzoneroi Millonaj. E dini ju që Millonaj prokurorja ja mbylli dosjen Pajtime Fetahut, prandaj ajo është në Skap si shpërblim.
Mata Hari: Jo, bundra do të ja marrë, e ke gabim. Kësaj radhe do të ja marr. Nuk dua të armiqësohem me policinë, i dola borxhit Taos.
Ta ktheva, mos ma sill më, i tha Taos. Do ta pengoj unë atë, e sollën prap, i doli borxhit, këtë herë e ka prej teje.
Radovan Çela: Do të flas prap.
E kemi dhe një për Edi Ramën.
Pyetje: Cilës dosje i përkasin.
Sali Berisha: Partnerët kanë 1 milionë faqe përgjime. Me numra dosjesh nuk i kam,” tha Kryedemokrati ndërsa rikujtoi dhe mesazhin të cilin e bërë publik gazetari Artan Hoxha, që Edi Rama i dërgon në vitin 2005, numrit një të krimit të organizuar në Shqipëri.
“Dëgjo këtu, n’pyll, pyll nxjerr pasqyra, n’qytet, qytet nxjerr pasqyra, n’det, det nxjerr pasqyra. Po ama ka të bëjë shumë, ku e di ai që e mba në dorë, se o dora që e mban pasqyrën.
Ma meno një cikë këtë të lutem se so e lehtë.”
Pra, thotë Berisha, kryeministri në vitin 2005, është mesazhi i Erionit të Mjaftit, e ka shënuar në telefon, ndërsa përfundon:
“Kjo është shkresë që ekziston sot e kësaj dite në prokurori. Ja ku janë, prandaj dhe kërcen Edi nga sevdaja këto ditë.”

Por nuk është vetëm kjo, thotë në fund Kryetari i Partisë Demokratike, por janë një seri e pafundme komunikimesh të Ramës me botën e krimit, zotime dhe angazhime të Edi Ramës për shpërblime me leje ndërtimi kundrejt shumave përrallore të lara në kulla dhe aktivizimeve në zgjedhje.
Në këtë aspekt bota e krimit po zien vlerëson Kryetari i Partisë Demokratike, Sali Berisha, i bindur se Kryeministri Edi Rama e anuloi vizitën në Durrës pas denoncimit të tij, paralajmëroi Troplinin të mos përzihet dhe të mos kërcënojë Erion Veliajn.
“U njoftua se po shkonte në Durrës, e denoncova sepse dyshova shumë se po shkonte ti çonte Pojën Erion Veliajt. Dhe unë i jap paralajmërimin më të fortë Xhevdet Troplinit; të mos përzihet, të mos kërcënojë, se do të ketë pasojat më të rënda. Se nuk e çoi kot.
E anuloi vizitën, sigurisht se e denoncova në media, dhe e dinte se do të shkonit dhe ju pas, e skishte si të takohej me të.”

Pas ndërprerjes së seancës plenare, sot Kryetarja e Parlamentit, Elisa Spiropali, paralajmëroj vazhdimin e seancës të hënën, 17 shkurt 2025, në ora 10:00.