Dhoma e Përfaqësuesve, miratohet ndihma prej 1.9 trilion dollarë

Dhoma e Përfaqësuesve ka kaluar projektligjin në vlerë prej 1.9 trilion dollarë, që ka për qëllim ndihmën e amerikanëve të prekur nga pandemia e koronavirusit.

Dy demokratë iu bashkuan republikanëve dhe kundërshtuan këtë ndihmë të propozuar nga presidenti amerikan, Joe Biden.

Tani projektligji shkon në Senatin, ku demokratët dhe republikanët kanë numër të njëjtë të ligjvënësve.

Një element kyç të këtij legjislacioni është kundërshtuar që ka të bëjë me dyfishimin e pagës minimale në 15 dollarë në orë.

Pakoja e propozuar nga Biden ka për synim që të rrisë numrin e vaksinimit dhe testimeve kundër sëmundjes COVID-19 dhe të stabilizojë ekonominë.

Ky projektligj parasheh ndihmë emergjente financiare për ekonomitë familjare, bizneset e vogla dhe qeveritë shtetërore.

Votimi i këtij projektligji vjen në javën e njëjtë kur SHBA-ja kaloi shifrën prej 500.000 viktimave nga koronavirusi.

Presidenti Biden, raporton RFE, e ka quajtur këtë projektligj si “Plani për Shpëtimin e amerikanëve”, por republikanët thonë se ky projektligj është i mbushur me prioritetet e demokratëve, që nuk janë të lidhura me pandeminë.

Ndryshe, ky projektligj pritet të votohet javën e ardhshme në Senat.