Dhuna ndaj avokatit Sali Berishës, PD: Akt kriminal, i urdhëruar direkt nga Edi Rama

Pas aktit kriminal ndaj profesorit të njohur të Fakultetit të Drejtësisë dhe avokatit të Kryetarit të PD, Sali Berisha, ka reaguar Partia Demokratike përmes zëdhënëses Floriana Garo duke e cilësuar si një akt kriminal dhe hakmarrje e verbër, primitive e Edi Ramës ndaj profesor Sokol Mëngjesit.

“Duke e goditur me banditë, me urdhër të tij direkt profesor Mëngjesin, dhe duke i shkaktuar atij lëndime të renda, Edi Rama dëshmon frikën dhe panikun që përjeton nga aktet e tij politike kriminale.

Profesor Sokol Mëngjesi së bashku me kolegët e tij, faktuan para shqiptarëve me prova dhe dokumente zyrtare të pakundërshtueshme, se procesi gjyqësor kundër kryetarit të Partisë Demokratike është një proces kryekëput politik i bazuar ne një piramidë mashtrimi, siç është çështja e Klubit Sportiv Partizani,” tha Floriana Garo duke dënuar me ashpërsinë më të madhe këtë akt banditesk kriminal ndaj profesor Sokol Mëngjesit ndërsa përfundoj:

“PD deklaron sot se Edi Rama, ai dhe vetëm ai, personalisht do mbahet përgjegjës për këtë akt të shëmtuar kriminal.”

Ndryshe, sot rreth orës 08:50, në zonën e ish-Bllokut në Tiranë, tre persona i zunë pritë dhe e sulmuan me grushte dhe sende të forta profesorin e njohur të Fakultetit të Drejtësisë dhe avokatin e Kryetarit të PD, Sali Berisha, ku për pasojë Sokol Mëngjesi pësoi frakturë në kokë dhe dëmtime te zona e ballit dhe pas kokës. Nga këto goditje avokati Sokol Mëngjesi ka pësuar dëmtime në pjesën e trurit dhe hemorragji ndërkohë mjekët e kanë vlerësuar gjendjen e tij stabël.

Deklaratë:

Sot ne mëngjes, tre bandite, te urdhëruar nga Edi Rama, kane sulmuar dhe goditur me leva në kokë në qendër të Tiranës, profesor Sokol Mëngjesin, avokati i mirënjohur i kryetarit të Partisë Demokratike, Sali Berisha.

Ky është një akt kriminal dhe hakmarrje e verbër, primitive e Edi Ramës ndaj profesor Sokol Mëngjesit, sepse ai së bashku me kolegët e tij, faktuan para shqiptarëve me prova dhe dokumente zyrtare të pakundërshtueshme, se procesi gjyqësor kundër kryetarit të Partisë Demokratike është një proces kryekëput politik i bazuar ne një piramidë mashtrimi, siç është çështja e Klubit Sportiv Partizani.

Duke e goditur me banditë, me urdhër të tij direkt profesor Mëngjesin, dhe duke i shkaktuar atij lëndime të renda, Edi Rama dëshmon frikën dhe panikun që përjeton nga aktet e tij politike kriminale.

Ai beson se me dhunë do mund të frikësojë zërin e të vërtetës dhe fshehë krimet e tij politike.

Me këtë rast, në emër të Partisë Demokratike dënoj me ashpërsinë më të madhe këtë akt banditesk kriminal ndaj profesor Sokol Mëngjesit dhe deklaroj sot se, Edi Rama, ai dhe vetëm ai, personalisht do mbahet përgjegjës për këtë akt të shëmtuar kriminal.