Dhuna ndaj Studentëve/ Paralajmërimi, Basha: Edi Rama, mos e shtyjë vendin në konflikt civil. Jemi gati…

Pas veprimeve të dhunshme ndaj studentëve nga Edi Rama dhe tensionimit të sitiuatës nëpër fakultetete me policinë e Gjicit dhe Ish-gjeneralit Lleshaj, sot ka reaguar kryetari i Partisë Demokratike, Lulzim Basha duke i bërë thirrje   kryeministrit Rama të ndalë dhunën ndërsa e paralajmëroi se çdo veprim tjetër në këtë drejtim do ta shtyjë vendin drejt një konflikti civil.

“I bëj thirrje Ramës, ndal menjëherë represionin e studentëve të ngujuar në protestën e tyre të ligjshme në ambientet universitare, jepi fund bllokimit të futjes së ushqimit dhe ujit në protestë, çdo shtyrje e mëtejshme në këtë drejtim do të shtyjë vendin drejt një konflikti civil me pasoja të paparashikueshme,” tha Lulzim Basha duke i bërë thirrje nga ana tjetër prokurorisë që të nisë urgjent hetimet për dhunën e ushtruar ndaj studentëve të ngujuar në fakultete.

“Përkundër kushteve të vështira me një mendësi kriminale, Rama ka urdhëruar ndërprerjen e dritave, ngrohjes dhe ndërprerjen me ushqime, dhe ka përdorur policinë për të dhunuar studentët. Kjo është shkelje flagrante e ligjit, me urdhër politik të Ramës. Deklarata e djeshme e Lleshajt është e papërgjegjshme, ftoj prokurorinë të nisë hetimet për Skerdi Dafën, militantin e PS, që kërkoi policinë duke shkelur ligjin e duke marrë kompetencat që nuk i takojnë,” tha kryetari I Partisë Demokratike ndërsa përshendeti sqarimin e rektorit Mynyr Koni i cili dënoi aktin e pandodhur edhe në kohën e komunizmit, të futjes së policisë në auditorë.

Ndërkohë është ndaluar edhe në izolimin e banorëve nga bora dhe braktisjen e madhe nga shteti dhe institucionet përgjegjëse.

“Ju bëj thirrje prokurorisë të nisë pa vonesë hetimin se ku kane shkuar lekët e taksapaguesve dhe të marrin përgjegjësi penale një për një drejtuesit, pronarët dhe zyrtarët përkatës nga ata që kanë firmosur kontratat e deri te ministri, që kjo vjedhje që po rëndon sot mbi gjendjen e mijëra familjeve të izoluara nga bora të mos mbetet pa përgjegjës e që këto para ti kthehen arkës së shtetit dhe taksapagues”.

Në fund, opozita dhe PD sipas kryetarit të Partisë Demokratike, Lulzim Basha, nuk do të rrijë duarkryq, duke folur për një përballje masive dhe në çdo drejtim: “Ajo që po paralajmëroj si opozitës është që mostërheqja nga ky skenar, do të çojë në përballje civile për marrjen e fatit të qytetarëve në duart e tyre, nuk do rrimë duarkryq as të përkundim shqiptarët në endërr të gënjeshtër, as të lëmë këta të korruptuar të zhysin vendin në gënjeshtër kjo do të marrë fund, përballje totale për të rikthyer drejtësisë, kushtetutën dhe pushtetun në duart e qytetarëve nuk do të vonojë dhe i bëj thirrje çdo shqiptari të ndershëm dhe çdo institucioni të pakapur nga Rama të bëjnë detyrën sa nuk është tepër vonë.”