Dhuna në Devoll/ Reagimi, Basha: Pushteti i paligjshëm i 6% po uzurpon qeverisjen lokale

Pas situatës së krijuar në Bashkinë e Devollit, ku “Kryetari i ri”, Eduard Duro, u shfaq me policë në ditën e parë të punës duke ndaluar Kryetarin e ligjshëm, Bledion Nallbati, të futet në zyrën e tij, ka reaguar Kryetari i Partisë Demokratike, Lulzim Basha, duke theksuar se pushteti i paligjshëm i 6% po uzurpon me dhunë qeverisjen lokale, kundër vullnetit të popullit.

“Ky regjim kriminal dhe plaçkitës po hyn në rrugën e verbër të përplasjes me popullin e tij,” thekson Lulzim Basha në reagimin e tij përmes rrjetit social Facebook duke u zotuar se hajdutët në pushtet sot ndjehen të mbrojtur se kanë polici speciale por nesër do të kenë fatin që meritojnë hajdutët dhe banditët:

Sot hajdutët në pushtet ndjehen të mbrojtur se kanë polici speciale, gaz lotsjellës dhe mercenarë, por nesër do të kenë fatin që meritojnë hajdutët dhe banditët!”

Ja statusi i plotë:

Pushteti i paligjshëm i 6% po uzurpon me dhunë qeverisjen lokale, kundër vullnetit të popullit. Ky regjim kriminal dhe plaçkitës po hyn në rrugën e verbër të përplasjes me popullin e tij. Sot hajdutët në pushtet ndjehen të mbrojtur se kanë polici speciale, gaz lotsjellës dhe mercenarë, por nesër do të kenë fatin që meritojnë hajdutët dhe banditët!