Dhunë dhe kaos/ Policëve, Robert Budina: Ju na detyroni që të kthehemi në dhunues!

Shqiptarët zyrtarisht shpëtuan nga Ish-Gjeneral Sandër Lleshaj por jo nga dhuna policore dhe kaosi. Viktimë e kësaj dhune, sërish u bë regjisori i njohur Robert Budina i cili i përlotur nga sjellja e policëve dhe zemërimi qytetar që shpërtheu, indentifikoi vetëm një fajtor: Policinë e Shtetit!

Policisë së Shtetit që me dhunën e saj shkaktoi këtë kaos, Robert Budina i kërkojë të heqin armët dhe të tregohen qytetarë:

“Kam që në ‘90 që rri në rrugë. Ça i kemi bërë ne këtyre njerëzve?! Më shihni të armatosur?! Si mund të vijë polici dhe të më thotë ‘ik’?! A keni vëllezër? Motra? Prej jush e kam çuar fëmijën jashtë shtetit se nuk jeton dot këtu. Ça turpi jeni! Ku i keni armët? Si më shtyni mo?! Ku e gjeni kurajon?! Hiqe atë armë dhe trego se je qytetar. T’ju vijë turp. S’mund të gjuani,” tha regjisori Robert Budani duke fajësuar policët për situatën e krijuar:

“Ju na nxirrni dhe na detyroni që të kthehemi në dhunues. Hedhin gaz!”

Ndërkohë protestuesit duke u larguar nga gazi lostsjelës dhe dhuna policore vazhduan me rigrupime në pozicione të ndryshme duke thirrur kudo:

“Poshtë diktatura!”