Dhunë policore në selinë e FRD, Basha: Do mbrojmë Kushtetutën nga shteti në funksion të Ndranghetës!
Pas përplasjes së Presidentit të Republikës me Policinë Bashkiake në selinë e FRD, ku kërkohej të lirohen zyrat e Frymës së Re Demokratike, dhe reagimit të Kryetarit të Bashkisë Tiranë, Erion Veliaj, me akuza dhe fyerje ndaj Ilir Metës duke e cilësuar një të degraduar mendor, kanë reaguar edhe aleatët e kësaj partie të dhunuar pjesë të koalicionit në zgjedhjet e 25 Prillit duke dënuar dhunën dhe veprimin arbitrar të Bashkisë dhe Veliajt. Ndërsa lideri i këtij koalicioni, Lulzim Basha, e ka bërë të qartë se Opozita ka qenë e është në krye të detyrës, për të mbrojtur kushtetutën në kushtet e një shteti që është i gjithi në funksion të mafias, Ndraghetës!
“Opozita ka qenë e është në krye të detyrës, presidenti ka qenë e është në lartësinë e detyrës për të mbrojtur kushtetutën në kushtet e një shteti që është i gjithi në funksion të mafias, Ndranghetës, oligarkëve e kriminelëve, fundi i pengmarrjes së shtetit është i afërt, shqiptarët janë të bashkuar e përmes fuqisë së këtij bashkimi 25 prillit do jetë dita e ndryshimit,” Lulzim Basha duke e cilësuar dhunë ndaj opozitës dhe mendimit të lirë ndërsa për hakmarrjen, Kryetar i Partisë Demokratike tha se është tipari më dallues i Edi Ramës në këto 8 vite.
