Dhunohet biznesmeni/ Denoncoi, prokuroria heshti por jo edhe krimi…
Një biznesmen në Tiranë ka mbetur i lënduar, pasi persona ende të paidentifikuar e kanë dhunuar. Ngjarja e rëndë ndodhi në prag të mesnatës në rrugën ‘Merdar Shtylla’ në Komunën e Parisit. BW raporton se biznesmeni Andrea Zoga, i cili ka disa aktivitete në Tiranë, (restorante dhe fast-foode), ka marrë plagë në kokë dhe trup.
Gjatë dëshmisë së tij, biznesmeni tha se 4-5 persona i kishin zënë pritë pranë shtëpisë me një makinë tip ‘Golf’ dhe më pas ata e kanë dhunuar. Fill pas ngjarjes, Zoga është dërguar me urgjencë në spitalin e Traumës për të marrë mjekimin e nevojshëm.
Mësohet se më herët biznesmeni ka denoncuar kërcënimet ndaj tij, por çështja u pushua nga prokuroria ndërkohë se për ngjarjen e sotme, biznesmeni nuk ka bërë denoncim në polici.
Më kërcënuan me jetë, sot e bënë realitet
Biznesmeni Andrea Zoga tha se ishte dhunuar nga disa persona që mendon se janë pjesë e një bande, ndërsa shtoi se nuk kishte konflikte me askënd. Sipas tij motiv mund të jetë bërë një konflikt që vëllai i tij ka me disa persona të tjerë për çështje pronësie.
Në një deklaratë për gazetarët nga ambientet e spitalit të Traumës biznesmeni tha se më të vëllanë nuk ka asnjë marrëdhënie, ndërsa pohoi se ishte kërcënuar me jetë më herët. Teksa kërkoi që të merren masa dhe autorët të vihen para drejtësisë, biznesmeni paralajmëroi se në të kundërt do të largohet nga Shqipëria.
Si ndodhi ngjarja?
Vëllai ka konflikt me persona të tjera. Bëhet fjalë për një konflikt për pronën. Mbi këtë pronë është ndërtuar pallat dhe i vëllai ka detyrim ndaj këtyre personave. unë jam kërcënuar. Çështjen e kam çuar në prokurori që nuk jam në dijeni dhe i përgjegjshëm për këtë çështje.
Prokurori Julian Zonja e mbyll këtë çështje pa e rihapur fare pasi nuk gjen prova. Sot pas një muaj pasi është mbyllur çështja, dark një bandë që të dhunon në mes të rrugës. Skam asnjë konflikt tjetër. Kam 20 vite në treg. Jam një nga sponsorat e ambasadës amerikane. Dallova vetëm dy persona me kapele që kishin ulur kokën që po drejtoheshin drejt meje, që mos ti njihja. Më pas 4 persona më sulen. Bëra denoncim në policia dhe tek kryeministri. I falënderoj. Kërkoj që të merren masa për këtë rast. Skam asnjë konflikt. Ka kamera sigurie. Kur më erdhën për të folur i thash nuk flas me tim vëlla prej vitesh nuk kam lidhje me këtë histori ju lutem më lini rehat. Para disa kohësh më kërcënuan me jetë, sot e bënë realitet.
