“Dhunohet deputeti Boçi”/ Reagimi, Basha: Ramës po i vjen fundi!

Pas dhunës policore të ushtruar ndaj Ish-Deputetit Luçiano Boçi, ka reaguar Kryetari i Partisë Demokratike, Lulzim Basha, duke akuzuar policinë e Elbasanit dhe Nëndrejtorin Albert Nushi, për dhunën e ushtruar, dhunë e cila tregon se pushtetin e grabitur me vota të blera, po rreken ta mbajnë me dhunën e policëve të inkriminuar:

“Dhunimi dhe shoqërimi i ish-deputetit dhe pedagogut Luçiano Boçi nga banditi Bert Nushi tregon se pushtetin e grabitur me narkokriminelë e vota të blera, po rreken ta mbajnë me dhunën e policëve të inkriminuar. Ky akt dëshmon friken dhe fundin e afërt të Maduros se Ballkanit,” thekson në reagimin përmes rrjetit social Tëitter, kryetari I PD, Lulzim Basha.

Ja postimi i plotë:

“As krimi e as policët e inkriminuar nuk e mbrojnë dot më këtë regjim. Organizatës kriminale të Rilindjes dhe kreut të saj i ka ardhur fundi. Populli është në këmbë dhe nuk trembet e nuk ndalet më! Dhunimi dhe shoqërimi i ish-deputetit dhe pedagogut Luçiano Boçi nga banditi Bert Nushi tregon se pushtetin e grabitur me narkokriminelë e votave të blera po rreken ta mbajnë me dhunën e policëve të inkriminuar. Ky akt dëshmon friken dhe fundin e afërt të Maduros se Ballkanit.”