Dhunohet i dënuari në burgun e Fushë-Krujës, ja dyshimet

Një i dënuar në burgun e Fushë Krujës, i identifikuar si Adriatik Lala, është dhunuar në mjediset e vendit ku kryen dënimin. Dyshimet janë se Lala mund të jetë dhunuar nga ana e policisë, dhe ka pasur hematoma në kokë.

Ai ka qenë i dënuar për disa akuza që kanë të bëjnë me vjedhjen. Burime për Fax News bëjnë me dije se Agron Babasi dhe Ervis Beshi, policë të grupit të gatshëm të burgut të Fushë-Krujës kanë dhunuar në mënyrë ç’njerëzore të dënuarin Adriatik Lala nga Durrësi.

I dënuari i dhunuar në mënyrë makabër ka lajmëruar familjen pasi është ndjerë tepër i rrezikuar dhe në gjendje të rëndë.

Ja vendimi i Gjykatës së Rrethit Gjyqesor Tirane për Lalën

1.Deklarimin fajtor të të pandehurit Adriatik Fadil Lala per kryerjen e vepres penale te “Vjedhjes me dhunë”, e mbetur në tentativë, të parashikuar nga nenet 139-22 të Kodit Penal dhe në bazë të kësaj dispozite denimin e tij me 4 (kater) vjet e 6 (gjashte) muaj burgim.

2.Deklarimin fajtor të të pandehurit Adriatik Fadil Lala per kryerjen e vepres penale te “Vjedhjes”, e mbetur në tentativë, të parashikuar nga nenet 134/1-22 të Kodit Penal dhe në bazë të kësaj dispozite denimin e tij me 6 (gjashte) muaj burgim.

3.Në aplikim të nenit 55 të Kodit Penal në bashkim të dënimeve dënimin e të pandehurit Adriatik Fadil Lala përfundimisht me 4 (katër) vjet e 6 (gjashte) muaj burgim.

4.Në bazë të nenit 406 të K.Pr.Penale, i ulet 1/3 e masës së dënimit dhe e dënon përfundimisht të pandehurin Adriatik Fadil Lala me 3 (tre) vjet burgim.

5.Vuajtja e këtij dënimi do të fillojë nga dita e arrestimit në flagrancë dt. 20.03.2017 dhe në bazë të ligjit 8328 dt.16.04.1998 i ndryshuar pjesa e mbetur të vuhet në një burg të sigurisë së zakonshme.