Dialogu Kosovë-Serbi, Vuçiç: Njohja e Kosovës nuk do të jetë temë në Washington!

Pavarësisht se çfarë bëri dje publike Përfaqësuesi i Presidentit të SHBA, Donald Trump për dialogun Kosovë-Serbi, Richard Grenell, sot shefi i diplomacisë serbe, Ivica Daçiç, i bënë karshillëk me prezantimin e ç’njohjes së Kosovës nga Algjeria dhe pak orë më pas Presidenti i Serbisë, Aleksandar Vuçiç e bëri të qartë se njohja e Kosovës as nuk do të jetë dhe as nuk do ta lejojnë që kjo të jetë temë në Washington!  Dhe, ndonëse nuk ka dëshmuar me ndonjë çertifikatë se nuk është i çmendur, Presidenti i Serbisë tha se pret nga shqiptarët nëse do ta respektojnë atë që kishte thënë Richard Grenell.

“Të shohim nëse do ta respektojnë shqiptarët atë që tha Richard Grenell rreth mosaplikimit në organizatat ndërkombëtare. Këtë Hashim Thaçi nuk e pranoi. Katër vjet kam folur për këtë, dhe tani përnjëherë e pranoi,” tha Vuçiç me rastin e përurimit të Parkut Shkencor-Teknologjik në Çaçak jo vetëm duke i dhënë përgjigje Presidentit të Avdullah Hotit, por edhe këtij të fundit që u angazhua aq shumë për shkarkimin e Albin Kurtit.

Në fund, nuk u bë fjalë për ndonjë shkarkim ose dorëheqje përkundër kësaj gjuhe kriminale që përdorin ministri i Jashtëm, Ivica Daçiç dhe Presidenti I Serbisë, Aleksandar Vuçiç pak ditë para takimit në Washington me përfaqësuesit e Kosovës, por tha se nuk mund të flas se si do të dal shteti serb nga kjo situatë, sepse tha se nëse e zbulon strategjinë, atëherë kjo nuk do t’ju lejohet:   

“Na leni të bëjmë punën tonë. Çfarë mendoni, do të rrihemi me Gjermaninë dhe SHBA, kemi bërë përpjekje të tilla, dhe sot këtu nuk ngeli asnjë fabrikë, gjithë ato ura na shkatërruan,” tha Vuçiç duke shtuar se më së shumti e do Serbinë dhe gjithsesi nuk do të kujdeset për interesat e Gjermanisë dhe Amerikës, e bisedimeve nuk i ka ikur kurrë Serbia, dhe lëshoi një mufkë:

“Me Putinin kam folur dje me telefon. Një ditë pas zgjedhjeve vjen Lajçaku, e një ditë më pas do të biem dakord se kush do të shkon në Washington. Më pas ka dhe takime tjera të rëndësishme për të cilat nuk guxoj të flas, sepse kështu kërkojnë organizatorët,” tha Presidenti i Serbisë Aleksandar Vuçiç duke paralajmëruar se sot pasdite do të zhvilloj disa takime dhe pesë biseda telefonike me liderët evropianë dhe botërore, disa prej të cilëve nuk dëshirojnë që të bëhen publike.