Dialogu Kosovë-Serbi, Vuçiç: Nuk jam i papërgjegjshëm si Thaçi!

Ka mospajtime brenda aleancës perëndimore sa i përket Kosovës, tha Presidenti i Serbisë, Aleksandar Vuçiç, por e pranon se nuk janë thelbësore sa i përket zgjidhjes vetëm se bëhet fjalë se kush do të udhëheqë lojën.

Duke e konfirmuar se Serbia është në një pozicion shumë të rëndë dhe pret presione të tjera, Vuciç thotë se nuk mund ta kundërshtojmë fuqinë më të madhe botërore, SHBA, e si ta kundërshtojmë BE-në kur jeni në rrugën evropiane.

“Nuk mund të jem i papërgjegjshëm si Thaçi dhe të them ‘ne nuk do ti përgjigjemi ftesës së Lajçakut, Macronit ose Merkelit’… Si mund ta them? Kjo është e pamundur,” tha Vuçiç gjatë një interviste për televizionin serb TV Pink.

Gjermania, që është faktori më i fuqishëm në Evropë, kur është fjala për zgjidhjen e çështjes së Kosovës, nuk do ta ndryshoj qëndrimin, i cili është i kundërt me atë të Beogradit, thotë ai, por kjo nuk do të thotë se nuk e vlerëson veprën dhe personalitetin e kancelares Angela Merkel.

Nuk e thotë dot se Gjermania e ka mbështetur taksën e Prishtinës zyrtare për produktet serbe, por e ka të qartë se atë që serbët mendojmë për Kosovën, në Gjermani e mendojnë të kundërtën.

“Investimet gjermane në Serbi janë fantastike dhe me Gjermaninë kemi shkëmbimin më të madh tregtar, 13 %,” tha Vuçiç ndërsa pasohet nga Italia, Bosnje Hercegovina, Rusia, Kina…

Rikujtoi edhe Rezolutën 1244 të Këshillit të Sigurimit, që e vlerësoi si dokument kompleks ku nuk figurojnë vetëm dy fjalitë që përmenden tek ne e që na pëlqejnë, se pranohet integriteti i Serbisë, tha Vuçiç, duke shtuar se serbët duhet ta kenë të qartë përmbajtjen e Rezolutës, që ka mundësuar dhe shpalljen e pavarësisë në vitin 2008, qëndrimin e Gjykatës Ndërkombëtar dhe gabimet e tyre të tmerrshme.

“Në preambulën e Rezolutës shkruan që Kosova do të jetë çështje e veprimit të Gjykatës së Hagës, që ne këtë gjë kurrë nuk ia kemi thënë popullit,” tha Vuçiç për TV Pink duke shtuar se në bazë të kësaj shumë njerëz janë ekstraduar në Hagë.

Ai me këtë rast përmendi dhe Nenin 11 që është dhe riafirmimi më i fortë i Marrëveshjes së Rambujes, ku, tha Vuçiç, Serbia e ka refuzuar, e ku flitej për zbatimin e referendumit për statusin përfundimtar të Kosovës. Dhe, kjo, tha ai, është pjesë e Rezolutës.

Në fund e tha edhe atë që nuk e kishte thënë kurrë më parë:

“Neni 2 fletë për dhunën dhe represionin e forcave jugosllave dhe në asnjë vend për represionin ose krimet e UÇK-së, që do të thotë se e sqaron se ne jemi fajtor për konfliktin në Kosovë,” tha Presidenti i Serbisë, Aleksandar Vuçiç duke shtuar se të gjitha këto i ka kërkuar pala shqiptare ndërsa serbët ngelën duke lexuar këto dy fjali, që janë bërë për ti bërë qefin interesave ruse në mënyrë që të mos thuhet se është një kapitullim i plotë serb dhe se është pranuar shkëputja e Kosovës nga Serbia, por në thelb kjo i ka dhënë mundësi Ahtisaarit dhe të tjerëve që të sjellin shpalljen e njëanshme të pavarësisë së Kosovës.

“Në vend se të përballemi ne kemi bërë gabime të tmerrshme. Aktualisht jemi në situatë të vështirë sepse në Kosovës kemi 93 për qind të shqiptarëve. Në këto kushte mirë po mbahemi dhe duhet të mbahemi për ato pjesë të Rezolutës mbi integritetin tonë, por asnjëri prej tyre nuk është trap, ata morën pjesën në hartimin e saj,” tha Aleksandar Vuçiç duke e pranuar se duhet ta thoshte këtë sepse nuk mund ta fus kokën si struci ndërsa përfundoi:

“Nuk mund të flejë gjumë për shkak të Kosovës, do të luftojmë së bashku me të tjerët, më fortë se sa që kam luftuar deri më tani.”