Diktatura e Edi Ramës, 7 deputetë të PS përjashtojnë 5 deputetë të PD për 10 ditë
Sekretariati për Etikën dhe Procedurat pranë Parlamentit të Shqipërisë ka legjitimuar fyerjet e Kryeministrit Edi Rama ndaj deputetëve të Partisë Demokratike dhe me forcën e kartonit nuk e ka dënuar, ndërkohë ka miratuar kërkesën e 7 deputetë të Partisë Socialiste që kanë kërkuar përjashtimin e 5 deputetëve të PD për 10 ditë nga seancat plenare dhe komisionet parlamentare sepse këtyre socialistëve, deputetët demokratë u paskan “zaptuar foltoren”.
Duke mos u marrë me arsyen pse ligjvënësit e PD kërkonin të drejtën e tyre në foltore e parlamentit. Sekretariati pa Etikë duke mos rrespektuar as Procedurat kur shtrohet një kërkesë me 16 firma deputetësh, vendos me urdhërin e Edi Ramë që të përjashtoj Sali Berishën, Flamur Nokën, Edmond Spahon, Belind Këliçin dhe Edi Palokën për 10 ditë nga seancat dhe komisionet parlamentare.
Askush nuk ka iluzion se edhe në të ardhmen do të gjenden firma socialistësh për të përjashtuar deputetët demokratë nga seanca parlamentare, por çuditë fakti se në mesin e këtyre firmëtarëve të sotëm janë dhe tre deputete, Ermonela Felaj, Mimi Kodheli dhe Gerta Duraku që kurrë nuk kanë reaguar as kur kryetari i tyre i sfazuar ka ofenduar po në këtë parlament, gratë me fëmijë, aq më keq kur që të treja përdhosjen e grave demokrate e ka shoqëruar me zgërdhirje.
Me përfundimin e Sekretariatit për Etikën dhe Procedurat ka reaguar deputeti i PD, Saimir Korreshi i tronditur nga ky vendim i paskrupullt ndërkohë që janë legjitimuar fyerjet e Kryeministrit Edi Rama:
“Sot ky Sekretariat jo vetëm që përjashtoi një pjesë të zërit opozitar por nga ana tjetër ka legjitimuar fjalën palaço, këtu ku shahet me rob shpie me palaço me të gjitha është bërë normalitet.
Që sot e tutje Kryetares së Kuvendit, Kryeminsitrit shqiptar dhe të gjithë çfarë janë këtu në komisionin e etikës do tu drejtohemi me fjalën palaço, palaço cirku, palaço burrë, palaço femër, se nëse legjitimohet 3 me 2 dhe zoti Rama nuk është përjashtuar, palaço Rama do vazhdojë me palaçollëqet e tij edhe pse i është shtrënguar laku por po na e bëjnë një farsë parlamentarizmin shqiptar.
Me kartonat dhe votat që kanë sot nuk mund ti mbyllin zërin opozitës. Palaçolliqet që ka bërë Rama, vjedhjet që ka bërë Rama dhe kapjen e të treja pushteteve nuk mund tja mbyllin gojës opozitës me përjashtimin e disa deputetëve. Që sot ky është një palaço parlament një palaço kryeministër dhe një palaço qeveri,” tha Saimir Korreshi duke bërë të ditur se ndonëse nuk ishte komunikuar sot u fut në rendtë ditës edhe kërkesa e PD nga nëntori i vitit 2022 për përjashtimin e Kryeministrit Edi Rama për fyerjet ndaj deputetit Gazment Bardhi.
