Diskriminim në vijimësi, Rilindja me nxitim fut në seancë plenare Projektligjin për ndryshimet e dëmshpërblimit të ish-të dënuarve politikë
Rendi i ditës për seancën e sotme plenare është i bazuar në urdhrin nr. 30, datë 11.9.2018 të Kryetarit të Kuvendit, Gramoz Ruçi, ndonëse në mungesë të opozitës dhe rifutjes së dy Ligjeve me 3/5 e votave, është e qartë se kjo seancë e së enjtes ka vetëm një qëllim, vijimësin e diskriminimit të shtresës më të shtypur në botën shqiptare, ish-të dënuarve politikë të regjimit komunist.
Edhe pse shumë i debatuar për frymën që ka ky Ligj, të drejtat themelore të njeriut që shkel, dhe kontestimin e madh nga ana e opozitës, Rilindja në mungesë të opozitës redukton ato pak të drejta që ka kjo shtresë dhe përgatit me nxitim të paparë nëpër Komisione, Projektligjin “Për disa shtesa dhe ndryshime në ligjin nr. 9831, datë 12.11.2007, “Për dëmshpërblimin e ish-të dënuarve politikë të regjimit komunist”, që në fund rezultoi se nuk ka të bëjë fare me vështirësi buxhetore, por thjeshtë zbatim të amanetit të etërve komunist nga bijtë e tyre, se si duhet trajtuar kjo shtresë që nuk u bë dot për 50 vjet, as servile dhe as komuniste, por i qëndroi besnike dashurisë ndaj atdheut.
Se sa formale është kjo seancë plenare dhe mbahet për vetëm për të goditur ish-të dënuarit politikë të regjimit komunist, flet edhe fakti që në këtë vendim të kryeparlamentarit kot janë futur, Projektligji “Për disa shtesa dhe ndryshime në ligjin nr. 96/2016 “Për statusin e gjyqtarëve dhe prokurorëve në Republikën e Shqipërisë, dhe, Projektligji “Për një ndryshim dhe shtesë në ligjin nr. 8378, datë 22.7.1998 “Kodi Rrugor i Republikës së Shqipërisë”, të ndryshuar” kur për iratimin e tyre duhen 3/5 e votave dhe Kryesia e Parlamentit nukzhvillon punimet për të konfirmuar rendin e dits së një seance plenare pas shpalljes së marrëdhënies së kushtëzuar të opozitë me Parlamentin e Gramoz Ruçit.
Seancë plenare
E enjte, 13.9.2018, ora 10.00
Rendi i ditës
Bazuar në urdhrin nr. 30, datë 11.9.2018 të Kryetarit të Kuvendit z. Gramoz Ruçi, rendi i ditës është si më poshtë vijon:
1.Miratimi i procesverbalit të seancës plenare të datës 6.9.2018 (neni 44, Rregullore)
2.Njoftimi i projektligjeve të depozituara në Kuvend (neni 44, pika 3 e Rregullores)
3.Dekreti i Presidentit të Republikës nr. 10850, datë 30.07.2018, “Për kthimin për rishqyrtim në Kuvend të ligjit nr. 39/2018 “Për disa ndryshime dhe shtesa në ligjin nr. 8438, datë 28.12.1998, “Për tatimin mbi të ardhurat”, të ndryshuar”” (neni 85, Kushtetutë, neni 86 Rregullore, votimi për rrëzim të dekretit me shumicën e të gjithë anëtarëve të Kuvendit) Shprehet komisioni përgjegjës për Ekonominë dhe Financat Diskutime (Shprehen grupet parlamentare): Koha e votimit
4.Projektligji “Për disa shtesa dhe ndryshime në ligjin nr. 9831, datë 12.11.2007, “Për dëmshpërblimin e ish-të dënuarve politikë të regjimit komunist””, të ndryshuar (nenet 28, 73-77, Rregullore, votim me shumicë të thjeshtë) Pyetje Shprehet komisioni përgjegjës për Ekonominë dhe Financat Diskutime (Shprehen grupet parlamentare): Koha e votimit (në parim/nen për nen/në tërësi)
5.Të mbartura për votim: – Projektligji “Për disa shtesa dhe ndryshime në ligjin nr. 96/2016 “Për statusin e gjyqtarëve dhe prokurorëve në Republikën e Shqipërisë” (Neni 81/2 i Kushtetutës dhe nenet 73-77, Rregullore, votim me shumicë prej 3/5 e të gjithë anëtarëve të Kuvendit) – Projektligji “Për një ndryshim dhe shtesë në ligjin nr. 8378, datë 22.7.1998 “Kodi Rrugor i Republikës së Shqipërisë”, të ndryshuar”” (neni 81/2 i Kushtetutës dhe nenet 73-77, Rregullore, votim me shumicë prej 3/5 e të gjithë anëtarëve të Kuvendit)
6.Diskutime për çështje jashtë rendit të ditës (neni 45, Rregullore) Koha e diskutimeve deri në 60 minuta
