Diskriminimi Tropojë, Has, Kukës/ PD në pushtet, Bardhi: Rruga e Kombit pa lekë!

Pas takimit me banorët e Kukësit, Hasit dhe Tropojës, Sekretari i Përgjithshëm i Partisë Demokratike, Gazment Bardhi, konstatoi se Edi Rama vadhon ti diskriminoj ndërsa premtoi se me ardhjen e PD në pushtet, qytetarët do të çlirohen nga koncesioni korruptiv për të kaluar në Rrugën e Kombit.

“Dy ditët e fundit jam takuar me qindra demokratë gjatë mbledhjeve të kryesive në degët e PD në Kukës, Has dhe Tropojë. Nuk kam parë askund një diskriminim kaq të egër nga një qeveri kundër qytetarëve të vet. ‘Faji’ i tyre i vetëm është se nuk votojnë Edi Ramën dhe janë kundër tarifës korruptive, varfëruese dhe izoluese të Rrugës së Kombit,” tha Gazment Bardhi pas takimeve të zhvilluara ku duke shprehur mirënjohjen më të madhe për sakrificën e banorëve të qarkut të Kukësit u zotua se PD do të zhbëjë modelin e Edi Ramës që varfëron qytetarët përmes vjedhjes, korrupsionit dhe zhvatjes së pasurive e parave të tyre ndërsa pëfundoi me premtimin e shumëpritur:

“Me drejtimin e vendit nga PD, qytetarët nuk do të paguajnë asnjë lek për të kaluar në Rrugën e Kombit. Ajo do të çlirohet nga koncesioni korruptiv.”