Dita Botërore e Lirisë së Shtypit, Ambasada e SHBA: Qeveria dhe politikanët….

Në Ditën Botërore të Lirisë së Shtypit, Ambasada e SHBA në Tiranë ka një mesazh si për Qeverinë dhe Politikanë ashtu edhe vetë gazetarët, për të cilët është dhe ditë reflektimi:

“Dita Botërore e Lirisë së Shtypit shërben si një kujtesë për qeveritë dhe politikanët që të bëjnë punën e tyre për të forcuar lirinë e fjalës. Është gjithashtu edhe një ditë reflektimi për profesionistët në media mbi çështjet e lirisë së shtypit, etikës profesionale dhe integritetit,” thekson Ambasada amerikane në Tiranë përmes një postimi në rrjetin social Facebook ndërsa i referohet një studimi të kryer nga IDRA:

“Në të njëjtën kohë, Dita Botërore e Lirisë së Shtypit është një ditë për të mbështetur mediat dhe gazetarët që janë shënjestra të censurës, kërcënimeve dhe dhunës.”

Ky Studim mbi Profesionistët e Medias, i kryer nga IDRA, nënvizon këto çështje të rëndësishme. Për të lexuar studimin e plotë, ju lutemi të klikoni këtu: https://bit.ly/2ZV3d88