Dita e Çlirimit, Vjosa Osmani: NATO me UÇK-në i sollën Kosovëa lirinë dhe paqen!

Në ditën e hyrjes së forcave të NATO-s së bashku me UÇK-në kur Kosovës i sollën lirinë, çlirimin dhe paqen, Presidentja Vjosa Osmani duke përkujtuar ushtarët e rënë të NATO-së, tha se Pllaka Përkujtimore e ushtarëve të kësaj aleance shënon historinë e re të Kosovës dhe forcimin e bashkëpunimit me aleatët e saj.

“Jemi këtu për të nderuar kontributin e jashtëzakonshëm të secilit ushtar të NATO-s, të cilët i qëndruan përkrahë Kosovës në momentet më të errëta të historisë së saj. Jemi po ashtu këtu për të nderuar vazhdimin e këtij kontributi i cili nuk është ndalur në vitin 1999, atëherë kur edhe forcat e NATO-s hynë në Kosovë, duke u shndërruar kështu në shpëtimtarët e popullit të Kosovës, por kontribut i cili ka vazhduar edhe më tej dhe vazhdon edhe sot për paqen dhe sigurinë në Kosovë dhe gjithë rajonin,” tha Presidentja e Kosovës duke shtuar:

“Siç e dini, në ligjin për festat zyrtare kjo njihet si dita e paqes, në mesin e qytetarëve tanë njihet si dita e çlirimit, dita e lirisë. Në fakt, që të tria këto epitete i përshtaten kësaj dite, sepse 12 qershori, hyrja e forcave të NATO-s së bashku me luftën e UÇK-së i sollën Kosovës pas një sakrifice të jashtëzakonshme e mbi njerëzore, lirinë edhe çlirimin dhe paqen pas shumë vuajtjesh të popullit tonë”.

Ndërsa, Zv/Komandati i KFOR-it, u zotua se do të sigurojnë paqe për të gjitha etnitetet

“Është nder të jem këtu, KFOR do të qëndrojë për të siguruar paqen për të gjithë etnitetet”.

Kurti: Ata që e dhanë jetën ndodhën në themelet e shtetësisë së Kosovës

Ndërkohë Kryeministri Albin Kurti, në përkujtimin e ushtarëve të rënë të NATO-s, tha se të gjithë ata që e dhanë jetën ndodhën në themelet e shtetësisë së Kosovës.

“Në qershorin e vitit 1999 kishim zjarr në qiell e në tokë, por më 12 qershor këmbësoria që NATO i bashkohet ndërhyrjes nga ajri kundër Millosheviqit për ta ndal gjenocidin kundër popullit shqiptarë. Më 12 qershor ne kremtojmë paqen, çlirimin dhe lirinë dhe këtë ia përkujtojmë vetes për çdo ditë sepse të gjitha ato gra e burra të cilët sakrifikuan dhe dhanë jetën ndodhen në themelet e pavarësisë tonë të cilën duhet ta shpijmë më tej me drejtësi dhe demokraci,” tha Kurtipasi vendosi kurora lulesh te Pllaka Përkujtimore e ushtarëve të rënë të NATO-s.

Të pranishëm në këtë ceremoni ishin edhe Kryetari i Parlamentit, Glauk Konjufca, ministri i Mbrojtjes, Armend Mehaj, komandanti i FSK-së, Rrahman Rama.

Ndryshe, 12 Qershori i vitit 1999 është dita kur në Kosovë u vendosën 50 mijë ushtarë të NATO-s, 3 ditë pas kapitullimit të Millosheviçit dhe bazuar në Rezolutën 1244 të KS të OKB .

Me rastin e 12 Qershorit – Ditës së Çlirimit, në Kosovë do të shënohen aktivitete të shumta.

Axhenda:

-Ora 11:00, Seancë solemne. (Salla e Kuvendit Komunal)

-Ora 12:00, Homazhe te shtatorja e komandantit legjendar “Adem Jashari”. (Sheshi ”Adem Jashari”)

-Ora 12:30, Përurimi i shtatores së “Hajredin Bajramit”. (Udhëkryqi Lipjan-Magure)

-Ora 13:00, Përurimi i shtatores së “Xhavit Kozhanit”. (Te Biblioteka e Qytetit)

-Ora 13:30, Përurimi i shtatores së “Ruzhdi Shabanit”. (Te Q.K. “Tahir Sinani”)

Me rastin e 16 vjetorit të themelimit Lëvizja Vetëvendosje mban konferencë për media. (Lagjja Pejton, te zyra e parë e Lëvizjes Vetëvendosje, ora 17:30)

Komuna e Prizrenit organizon aktivitete të ndryshme kulturore e sportive për nder të Festave të Qershorit.

Axhenda:

10:00 – Vizitë në varrezat e dëshmorëve. (Landovicë)

10:30 – Përurimi i Muzeut të Dëshmorëve. (Landovicë)

12:00 – Përurimi i Qendrës Kulturore Rinore. (Në lagjen Ortakoll)

12:30 – Përurimi i terrenit sportiv në shkollën “Abdyl Frashëri”

18:00 – Mbyllja e Panairit të Librit dhe dhënia e shpërblimeve. (Sheshi i Lidhjes)

19:00 – Koncert festiv me Shoqëritë Kulturore dhe Artistike të Komunës së Prizrenit. (Shtëpia e Kulturës “Xhemajli Berisha”)

21:00 – “Qielli i Përjetësisë” sweet world për nder të viktimave të Covidit të Komunës së Prizrenit. (Ura e Gurit)