Dita e Drejtësisë, Wisner: Do të ketë më shumë vetting, ka presion politik dhe pritshmëritë janë të mëdha!
SHBA ka pritshmëri që institucionet e krijuara në 2016 do të jenë afatgjata, tha I ngarkuari me Punë në Shqipëri, David Wisner, në fjalën e tij me rastin e Ditës Drejtësisë, ndërsa shtoi se SHBA do mbështesë përpjekjet për reforma në përputhje me Kushtetutën dhe pavarësinë e gjyqësorit
“Reforma në drejtësi nuk është e lehtë apo perfektë por shqiptarët duhet të jenë krenar për punën e bërë. Janë marrë veprime kundër krimit të organizuar. Sfidat me të cilat përballemi janë të mëdha. Ka pengesa, do të ketë më shumë vetting, standarde më të lartë në institucione duke qenë se ka presion politik dhe pritshmëritë janë të mëdha,” tha David Wisner duke vlerësuar aktivitetin e organizuar sot në Ditën e Drejtësisë, i cili, sipas tij, tregon se institucionet nuk mund të punojnë vetëm ndërsa përfundoi:
“SHBA krenar që punon me KLP gjyqtarët e prokurorët. Presim që institucionet e krijuara në 2016 të jenë afatgjata dhe kjo nuk vihet në diskutim. Duhet bërë më shumë nga institucionet. SHBA do mbështesë përpjekje për reforma në përputhje me Kushtetutën dhe pavarësinë e gjyqësorit.”
Gonzato: Reforma në drejtësi duhet çuar para, BE krah këtij procesi
Edhe Ambasadori i BE në Tiranë, Silvio Gonzato në këtë aktivitet me rastin e Ditës së Drejtësisë kishte mesazhe të forta për sistemin e gjyqësorit.
“Reforma në drejtësi duhet çuar para dhe këto rezultate duhet t’u shërbejnë qytetarëve. Gjyqësori duhet ti shërbejë qytetarëve. Këtë javë është java e Europës, për gjithëpërfshirje në të drejtat e njeriut.
Sistemi i drejtësisë luan një rol të rëndësishëm përmes trajtimit të duhur të gjyqtarëve, për të pasur integritet të gjyqësorit. Shqipëria ka bërë hapa të rëndësishëm në këto fusha. Reforma në drejtësi është e pakthyeshme, dhe arritjet e SPAK duhet të jenë të tilla. Dedikimi i duhur nga drejtuesit është i rëndësishëm,” tha Silvio Gonzato nga mbledhja e përbashkët vjetore e KLGJ dhe KLP duke përfunduar:
“Takimi i Këshillit është një provë për këtë dedikim. Do të doja që të mbyllja këtë fjalim së BE e mbështet sistemin e drejtësisë dhe do të mbrojë të gjithë institucionet e drejtësisë.”
