Dita e Evropës, Kryeministri Kurti takim me Apostolovën

Kryeministri në detyrë i Kosovës, Albin Kurti duke uruar Ditën e Evropës përmes një video-takimi, Shefen e Zyrës së BE-së në Kosovë, Nataliya Apostolova, shprehu përkushtimin e Republikës së Kosovës në kryerjen e reformave të rëndësishme për anëtarësim në BE

“Kriza shëndetësore me COVID-19 është menaxhuar mirë duke dëshmuar se kërkesa për gjendje të jashtëzakonshme ishte e paarsyeshme dhe ka treguar se si po hapet gradualisht ekonomia duke shtuar masat mbrojtëse,” tha Kryeministri Kurti duke falënderuar BE-në për ndihmën që kanë ofruar në menaxhimin e pandemisë dhe zotimin për ndihmë në rimëkëmbje ekonomike si dhe për rolin konstruktiv që zyra e BE-së ka luajtur në këta muaj.

Ambasadorja Apostolova, nga ana e saj, falënderoi kryeministrin për menaxhimin e pandemisë dhe ofroi ndihmën e BE-së në lidhje me planet dhe strategjinë për rimëkëmbjen ekonomike.

Më 09 maj, Deklarata e Shcuman, tha Kryeministri Albin Kurti, shënon 70 vite të paqes, progresit shoqëror e njerëzor dhe bashkëpunimit nder shtetëror, duke e bërë Bashkimin Evropian një ndër projektet më të suksesshme të Evropës.

Ndryshe, Kryeministri në detyrë i Kosovës, Albin Kurti, ishte i shoqëruar nga ministri i Integrimit Evropian, Blerim Reka dhe Këshilltari politik, Jeton Zulfaj.