Dita e Falmurit/ Preshevë, Urimi i Shqiprim Arifit: Festë që sjell paqe dhe demokraci…

Me një programi festiv, shqiptarët e Preshevës shënuan Ditën e Flamurit, me ç’rast kryetari i komunës, Shqiprim Arifi tha se politika që ndjek qeverisja lokale në Preshevë është në përputhje me politikën e Tiranës dhe Prishtinës.

“28 Nëntori është një ditë e veçantë që bashkon të gjithë shqiptarët kudo që jetojnë dhe se qëllimi i secilit është që të jetë nën ombrellën e BE-së,” tha Arifi duke shtuar se Dita e Flamurit është një festë që sjell paqe dhe demokraci dhe se nuk duhet të ketë frikë askush, sepse siç theksoi ai, shqiptarët nuk po e kërcënojnë askënd, por që shqiptarët tani e kanë mundësinë që të krijojnë një të ardhme edhe më të mirë.