Dita e Flamurit, Noka nga Vlora: Uroj këtë ditë të bekuar, të na gjejë më të bashkuar
Pas homazheve tek monumenti i Ismail Qemali, Sekretari i Përgjithshëm i Partisë Demokratike, Flamur Noka, duke uruar këtë ditë të bekuar në emër të PD uroi që kjo ditë ti gjejë më të bashkuar, me një Shqipëri ndryshe, në festë, pa krim, pa korrupsion, pa drogë, pa drejtësi të kapur dhe me liri dhe demokraci të vërtetë.
“Është vërtet një ditë e bekuar, një ditë e shenjtë që nisi në 28 nëntorin e vitit 1443 kur Skënderbeu e vendosi këtë flamur të bekuar në Kalanë e Krujës dhe e çliroi nga turqit.
28 nëntori i dytë është i vitit 1912 kur plaku i Vlorës, Ismail Qemali e ngriti këtë flamur këtu në Vlorë për të shpallur pavarësinë e Shqipërisë.
28 nëntori i tretë është i vitit 1944, kur ky flamur u ringrit përsëri për të simbolizuar largimin e pushtuesve gjermanë,” tha Flamur Noka duke uruar shqiptarët në emër të PD që kjo ditë ti gjejë më të bashkuar, me një Shqipëri ndryshe, të na gjejë në festë, pa krim, pa korrupsion, pa drogë, pa drejtësi të kapur dhe me liri dhe demokraci të vërtetë.
“Lirimi i zotit Berisha erdhi si pasojë e zhvillimeve të vrullshme politike. E para ishte fitorja e presidentit Trump në SHBA, çka preu metastazat e George Soros edhe në Shqipëri.
E dyta janë rezolutat dhe mbështetja e partnerëve që i bënë PD-së. Kujtoj këtu rezolutat e CDI dhe PPE, dy rezoluta që flasin qartësisht për një shtet të kapur nga krimi dhe korrupsioni, një shtet ku opozitës i janë mbyllur hapësirat, një shtet pa liri ku drejtësia përdoret si marionetë në duart e pushtetit kundër opozitës. Flasin qartësisht për burgosjen e lidershipit të opozitës.
Faktori i tretë dhe kryesorja është rezistenca dhe qëndresa e demokratëve në të gjithë Shqipërinë. Është mosbindja civile. Të gjitha këto bënë që më në fund e vërteta dhe vetëm e vërtetë ta triumfojë,” tha Sekretari i Përgjithshëm i Partisë Demokratike, Flamur Nuka, duke mos harruar dhe Strasburgun që ishte një sirenë alarmi për drejtësinë e George Soros në Shqipëri ndërsa përfundoi:
“Strasburgu ndërmori hapa të shpejtë, një procedurë të përshpejtuar për të shqyrtuar çështjen e burgosjes politike të Sali Berishës. Kjo bëri që të nguten sepse Strasburgu do rrëzonte përtokë përfundimisht drejtësinë e George Soros në Shqipëri.”
Ndryshe, pas homazheve tek monumenti i Ismail Qemali, Sekretari i Përgjithshëm i Partisë Demokratike, Flamur Noka, i shoqëruar nga lidershipi i PD, Kryesia e PD, Vlorë dhe Kryetari i saj Atird Hoxha, zhvillojnë tryezën e organizuar nga Departamenti Brain Gain dhe Ekselenca në Partinë Demokratike: “Në kërkim të Simboleve: Qëndresa si vlerë dhe Kalaja e Kaninës si simbol i saj”.
