Dita e Flamurit, të përbashkuar në Vlorë

Dita e Flamurit nisi me ceremoninë e ngritjes së flamurit në Vlorë, për vazhduar me vendosjen e kurorave me lule nga Presidenti Bajram Begaj, Kryetarja e Parlamentit, Lindita Nikolla, Kryeministri Edi Rama, dhe, Kryeministri i Kosovës Albin Kurti, pranë monumentit të pavarësisë në Sheshin e Flamurit.

Më 28 Nëntor 1912, Ismail Qemali ngriti flamurin në Vlorë duke shpallur Shqipërinë shtet sovran dhe të pavarur.

Ndërsa në Tiranë u organizua Parada e shqiptarëve ku morën pjesë mijëra shqiptarë nga të gjitha trojet, me mbi 150 Ansamble popullore.

Parakalimi filloi nga Sheshi “Nënë Tereza”, për të vijuar në drejtim të sheshit “Skënderbej” ku dhe do të bashkohen të gjithë, për të qenë pjesë e ceremonisë së ngritjes së flamurit.

Ndryshe, prej 15 vitesh ky organizim i shoqatës “Rrënjët Shqiptare” ka veshur New Yorkun me petkun e flamurit dhe ka shërbyer për të dhënë mesazhe bashkimi për shqiptarët, dhe për herë të parë mbahet edhe në Tiranë.