Dita e Flamurit, Ulqini feston pa flamur kombëtar…

Si asnjëherë më parë qyteti i Ulqinit kishte një pamje të zbehtë në festën më të madhe të shqitarëve, Ditën e Flamurit. Dhe për çudi, pa flamur kombëtar!

Vite më parë udhëheqësit komunal ishin kujdesur që së paku të vendosnin flamurin shqiptar me shqiponjën dykrenare në rrugët e qytetit. Kësaj radhe, përveç një flamuri shqiptar në ndërtesen e Komunës së Ulqinit nuk kishte as edhe një në rrugët kryesore të qyetit, raporton Ulqinionline.

Për me keq prania e policëve afër shkollave të qytetit, nuk dihet arsyeja për një prezencë të tillë, të krijonte edhe një ndjenjë frike.

Në mbrëmje Këshilli Kombetar i Shqiptarëve në Mal të Zi, për nder të Ditës së Flamurit organizon një aktivitet në Qendrën e Kulturës në Ulqin.