Dita e Flamurit, Vlorë: Aty ku bashkohen dhe ndahen menjëherë krerët e shtetit shqiptar!

Që nga themelimi më 28 nëntor 1912, Shqipëria ka provuar disa modele qeverisjeje, përfshirë protektoratin ndërkombëtar, monarkinë, regjimin një-partiak si dhe republikën parlamentare, por krerët e shtetit shqiptar kurrë nuk kanë qenë më të përçarë në Ditën e Flamurit se sa nga momenti kur drejtimin e morën dyshja kriminale Rama-Meta.

Sjellje kriminale kjo dyshe pati edhe sot në ceremoninë me rastin e Ditës së Flamurit, aty ku qëndruan pranë njërit për pak çaste, për tu ndarë edhe në homazhe si dhe në urimet e rastit në Sheshin e Flamurit.  

Kryeministri Edi Rama ka uruar nga Vlora Presidentin e Kosovës Hashim Thaçi dhe ish-krerët e tjerë të UÇK-së që ndodhen për gjykim në Hagë.

“Dëshiroj t’iu uroj të gjithë shqiptarëve kudo që janë këtë ditë të bekuar të flamurit tonë kombëtar, të pavarësisë së Shqipërisë dhe njëkohësisht në këtë ditë që është edhe dita e lindjes së komandantit legjendar të luftës çlirimtare të Kosovës, dëshiroj t’i uroj festën e pavarësisë dhe Ditën e flamurit, presidentit Hashim Thaçi dhe bashkëluftëtarëve të tij që sot nuk gjenden në shtëpi.”

Ndërsa Presidenti i Republikës, Ilir Meta, në urimi e tij shprehet:

“Të punojmë dhe angazhohemi çdo ditë për ta mbrojtur simbolin tonë të shenjtë dhe përbashkues, të valvitet krenar në këto troje, i pastër dhe i paprekur, njësoj si gjaku i derdhur për të, nga bijat e bijtë më të mirë të kombit.

108 vite janë mjaftueshëm për të dëshmuar pjekurinë dhe seriozitetin e një shteti modern, për përmbushjen pa vonesë të aspiratës popullore dhe misionit të nisur në 28 nëntor 1912, nga Ismail Bej Vlora dhe gjithë etërit e Pavarësisë, për ta bërë Shqipërinë si gjithë Europa.

Urime për 28 Nëntorin e Gjergj Kastrioti Skënderbeut, Ismail Qemalit dhe Isa Boletinit!

Zoti e bekoftë Flamurin Kombëtar dhe shqiptarët kudo ndodhen!