Dita e Kujtesës, 34 vite më parë ra busti, sot diktatori është gjallë!

Sot përkujtohet 34 vjetori i rrëzimit të bustit të diktatorit Enver Hoxha, kur diktatori i ri është gjallë rrethuar nga pasardhësit e nomenklaturës së këtij krimineli!

Po, është, Edi Rama, ndonëse në prag të rrëzimit të këtij busti, “Zëri i Popullit” i popullit 34 vjet më parë shkruante se “Edi Ramën e shkret e gënjen mendja se historia i ka hapur portat për të, se piedestalin e ka gati dhe… mjafton që të ngjitet mbi të. Por lavdia nuk është si gripi, që ti ngjitet kujtdo.”

Më 20 shkurt të vitit 1991 mijëra qytetarë u ngritën për të shembur simbolin e komunizmit, pak muaj pasi regjimi komunist lejoi pluralizmin politik, për t’u rikthyer vite më pas në pushtet me dishepullin e diktatorit Enver Hoxha, Edi Rama, së bashku me njeriun e ri!

Dhe pavarësisht se çfarë mendonte Partia, Edi Rama u ngjit në këtë piedestal dhe për fat të keq lavdia iu ngjit, jo si gripi por si COVID-19, dhe goditi gjithë organet e shtetit shqiptar duke përfshirë edhe sistemin respirator, dhe sot nuk po merr dot as frymë!

Sot më 20 shkurt 2025, busti i diktatorit aktual Edi Rama nuk ekziston, nuk ka se çfarë të shkulet përveç se kolltuku i tij të cilin nuk po e lëshon dhe i është ulur rëndshëm për të vazhduar me indoktrinimin komunist të shqiptarëve “Sy m’Sy”.

Sot më 20 shkurt 2025, shqiptarët pa bust por me diktator ju mbetet vetëm Dita e Kujtesës Kombëtare për martirët dhe viktimat e regjimit komunist, e cila në fakt shënoi fundin e diktaturës në Shqipëri pa llogaritur mundësinë e ringjalljes së diktatorit!

Nuk kemi parë gjë akoma, diktatori është gjallë, madje më i fortë se kurrë…