Dita e madhe e ndryshimit!

nga Orjola Pampuri

22 Mars 1992, Dita e parë e lirisë, dita kur u mbajtën zgjedhjet e lira për një Parlament pluralist në Shqipëri, dita kur Shqipëria nisi një faqe të re në historinë e saj; rrugëtimin drejt Europës Perëndimore, atë që qytetarët e këtij vendi e kishin ëndërruar për 50 vite me radhë, por që diktatura e egër hoxhiste ua kishte rrëmbyer, por jo plotësisht.

Qindra mijëra qytetarë, studentë, intelektualë, rezistuan në sheshe në mbarë Shqipërinë, në demostrata të kryesuara nga lideri historik, Prof.Dr. Sali Berisha, deri sa e shporrën diktaturën më të egër të të gjitha kohërave.

Sot 27 vite më pas, 22 Mars 2019, parlamenti rikthehet sërish monopartiak, pushteti perqëndrohet tek një njeri i vetëm, tek Edi Rama. Rrugët, sheshet janë të tejet mbushura me protestues të rinj e qendrestarë të viteve ’90, të cilët janë të vendosur të mos lejojnë që historia të përsëritet. 

Të gjithë bashkë për një pranverë ndryshimi, për një demokraci europiane, për zgjedhje të lira e të ndershme së bashku me kryetarin e Partisë Demokratike, Lulzim Basha, të rezistojmë e qëndrojmë si 27 vite më parë.

Gëzuar Ditën e Demokracisë!