Dita e parë me Masa të reja, ministri Vitia falënderon qytetarët për bashkëpunim

Ministri në detyrë i Shëndetësisë, Arben Vitia, ka falënderuar qytetarët për bashkëpunim, të cilët po qëndrojnë në shtëpitë e tyre ndërsa siguroi se po monitorohet çdo orë gjendjen dhe po bëjnë trajtimin e çdo vështirësie që po paraqitet.

“Sot dëshirojmë vetëm t’ju falenderojmë: T’ju falenderojmë për bashkëpunimin tuaj duke qëndruar në shtëpi në këto kushte të vështira, ndihmoni realizimin e masave të ndërmarra për të mbrojtur jetën dhe shëndetin,” theksoi rben Vitia në reagimin e tij përmes rrjetit social Facaebook në ditën e parë të zbatimit të masave të reja duke përfunduar:

“Më e rëndësishme se kurrë më parë është: angazhimi kolektiv dhe adresimi profesional. Ju faleminderit edhe njëherë. Së bashku edhe njëherë të mobilizuar për të mbrojtur të drejtën absolute, të drejtën e jetës.”

Ndryshe, Ministria e Shëndetësisë duke respektuar dispozitat ligjore dhe frymën e Aktgjykimit të Gjykatës Kushtetuese, në bazë të rekomandimeve të IKShPK-së, do të marrë masat e paralajmëruara me vendime të veçanta për secilën komunë.

Duek filluar prej sot 15 prill, ora 06:00, me qëllim të mbrojtjes së jetës së banorëve në komunat e Republikës së Kosovës me VENDIME të veçanta, hyjnë në fuqi masat e reja të qarkullimit.

Në vendime parashikohen edhe sanksionet financiare për kundërvajtje administrative për personat fizikë dhe personat juridikë.

Këto masa vlejnë deri më 4 maj, 2020.
Në varësi të rezultateve, vendimet do të rishqyrtohet jo më vonë se më 30 prill, 2020, në konsultim me IKShPK-në.

Ja statusi i plotë i ministrit Arben Vitia:

Të gjithë bashkë për mbrojtjen e jetës dhe shëndetit

Të nderuara qytetare dhe qytetarë,

Sot dëshirojmë vetëm t’ju falenderojmë:

T’ju falenderojmë për bashkëpunimin tuaj duke qëndruar në shtëpi në këto kushte të vështira, ndihmoni realizimin e masave të ndërmarra për të mbrojtur jetën dhe shëndetin.

T’ju falenderojmë ju qytetarë që përbëni efektivin e Policisë së Kosovës.

Ju qytetarë që jeni mjekë, infermierë, epidemiologë, laborantë, mami, si dhe ju që përbëni të gjithë stafin mbështetës.

Ju qytetarë që keni sot përgjegjësinë e lartë të të qenit kryetarë të Komunave, ose të jeni staf i tyre.

Ju qytetarë që realizoni tërë veprimtarinë biznesore, prodhuese e tregtare, që siguroni prapavijën e rezistencës sonë të përditshme.

Ne po e monitorojmë çdo orë gjendjen dhe po trajtojmë me përgjegjësi çdo vështirësi që po paraqitet.

Do të përpiqemi t’i përgjigjemi çdo pyetjeje që do të na vijë prej jush me qartësinë e nevojshme dhe shpejtësi.

Më e rëndësishme se kurrë më parë është: angazhimi kolektiv dhe adresimi profesional.

Ju faleminderit edhe njëherë.

Së bashku edhe njëherë të mobilizuar për të mbrojtur të drejtën absolute, të drejtën e jetës.