Dita e Patriotëve, Ambasada e SHBA përkujton 11 Shtatorin 2001

Sot, në Ditën e Patriotëve, Ambasada e SHBA në Tiranë duke përkujtuar të gjitha jetët e humbura në 11 shtator të vitit 2001, nderon dhe trimërinë e pakrahasueshme të të gjithë atyre që u ndodhën të parët në vendngjarje.

“Sot, në Ditën e Patriotëve, përkujtojmë të gjitha jetët e humbura në 11 shtator të vitit 2001, lutemi për familjet që ruajnë trashëgiminë e kësaj humbjeje dhe nderojmë trimërinë e pakrahasueshme të të gjithë atyre që u ndodhën të parët në vendngjarje,” thekson Ambasada amerikane duke përfunduar:

“Nderojmë gjithashtu të gjithe ata, që gjatë ditëve e viteve pas sulmit, iu përgjigjën thirrjes për t’i shërbyer vendit dhe vazhdojnë të rrezikojnë jetët e tyre në mbrojtje të bekimeve të pakrahasueshme të lirisë.”