Dita e Pavarësisë/ “Kritikët pa fjalë”, Presidenti Trump foli për vlerat që bashkojnë kombin amerikan!
Presidenti i SHBA, Donald Trump, mbrëmjen e së enjtes ishte nikoqir i ceremonisë në Washington të cilën e pagëzoi “Show i jetës” në shenjë festimin të ditës së madhe amerikane, Dita e Pavarësisë.
Derisa presidentët amerikanë në të kaluarën qëndruan anash dhe shikuan se si amerikanët e shënojnë përvjetorin e pavarësisë, Presidenti Trump e mori udhëheqjen e kësaj feste. Përveç spektaklit të paralajmëruar me avionë, muzikën e bendit patriotik dhe ekspozitës, Presidenti Trump mbajti një fjalim para bustit të Abraham Linkolnit, duke theksuar historinë amerikane 243 vjeçare përkundër motit që kërcënonte me stuhi.
Historinë e SHBA, Presidenti Trump e quajti ep i kombit të madh, populli i të cilit ka rrezikuar gjithçka për atë që e dinë se është e drejtë dhe është e vërtetë.
Kishte prej atyre që e kritikuan Presidentit Trump se ditëlindjen e kombit po e shndërron në njërin prej tubimeve të tij elektorale ku do të flas për arritjet e tij prej se ke marrë mandatin.
Mirëpo, Presidenti i 45 amerikan i la pa fjalë, nuk e përmendi politikën, zgjedhjet e vitit 2020 ose 20 kandidatët demokratë që mendojnë ta parandalojnë në fitoren e tij për mandatin e dytë.
Në vend se të flas për gjërat që i ndajnë amerikanët, Presidenti Trump foli për vlerat që bashkojnë kombin amerikan:
“Deri sa jemi mbledhur këtu, në këtë mbrëmje, dhe i gëzohemi lirisë, kujtojmë se ndajmë një trashëgimi të vërtetë, të jashtëzakonshme. Së bashku, ne jemi njëra nga tregimet më të mira që janë rrëfyer ndonjëherë,” tha Presidenti Trump duk shtuar:
“Amerikanët e duan lirinë e tyre dhe askush kurrë nuk do të mund të na e rrëmbej, kombi ynë është sot më i fuqishëm se kurrë.”
Presidenti Trump i shprehu mirënjohje ushtrisë amerikane dhe i bëri thirrje të rinjve amerikanë që të shqyrtojnë mundësinë që nga shërbimi ushtarak të bëjnë karrierë.
Fjalimi i Presidentit Trump në radhët e para u nderua nga anëtarët e familjes, bashkëpunëtorët e ngushtë, administrata, ushtria dhe ata për të cilët Shtëpia e Bardhë i ka konsideruar të domosdoshëm të jenë prezent në këtë ceremoni.
Pjesa më e madhe e ceremonisë festive të 243 vjetorit të Ditës së Pavarësisë u zhvillua në mes të godinës së Kongresit dhe bustit të themeluesit dhe Presidentit të parë të SHBA, George Washington.
Ceremonia si gjithmonë përfundoi me fishekzjarre, për të cilat Presidenti Trump edhe kishte premtuar një spektakël më të gjatë dhe më spektakolar se kurrë ndonjëherë. Edhe për këtë spektakël kishte një zhgënjim për kritikët e Presidentit Trump që propagandonin shifra marramendëse, ai nuk është paguar nga amdinistrata amerikane por nga dy kompani private.
Paralelisht me ceremoninë që organizoi Presidenti Donald Trump, në Capitol Hill u zhvillua koncerti tradicional, por nuk munguan as protesta.
Organizata tashmë e njohur antiluftë “Code Pink” mbajti një protestë afër vendit ku President Trump mbajti fjalimin ndërsa kishin marrë leje edhe për një balon gjigand në formë të bebes Trump, i cili u pa edhe në Londër.
Ndryshe, 4 korriku, i njohur edhe si Dita e Pavarësisë, është dita e vitit 1776 kur delegatët nga 13 kolonitë e Shteteve të Bashkuara miratuan Deklaratën e Pavarësisë, duke njoftuar shkëputjen nga Britania. Kjo ditë është festë federale në Shtetet e Bashkuara që nga viti 1941 dhe tradicionalisht është një ditë kur amerikanët festojnë historinë, traditën politike të SHBA dhe mënyrën amerikanë të jetesës
