Dita e protestës së PD po afron, Bordi vazhdon me uljen e çmimit të naftës

Pa kaluar as 24 orë nga ulja e fundit e çmimit në karburanteve nga Bordi i Transparencës ndërsa po afron protesta e madhe e Partisë Demokratike që pritet të mbahet më 7 Korrik, Bordi uli sërish çmimin e naftës, tashmë me 6 lekë për litër.

Kështu bazuar në vendimin e sotëm të Bordit, një litër naftë do të tregtohet me 249 lekë nga 255 lekë për litër sa ishte vendosur dje.

Ndërkohë çmimi i benzinës dhe gazit mbeten të pandryshuara, 242 lekë për litër përkatësisht 83 lekë për litër.

Çmimet e caktuara nga Bordi i Transparencës do të hynë në fuqi sot datë 29 Qershor ora 18.00 p.m dhe do të jenë të vlefshme deri në mbledhjen e ardhshme të Bordit.

 Njoftim:

Në datë 29 Qershor 2022, në mbledhjen e radhës vendosi:

Çmimi i shitjes me pakicë i nënproduktit gasoil i standardit SSH EN 590 të jetë jo më shumë se 249 lekë/litri, ndërsa i shitjes me shumicë jo më shumë se 237 lekë/litër.

Çmimi i shitjes me pakicë i nënproduktit benzinë e standardit SSH EN të jetë jo më shumë se 242 lekë/litri,ndërsa i shitjes me shumicë jo më shumë se 230 lekë/litër.

Çmimi i shitjes me pakicë i nënproduktit gaz, të jetë 83 lekë/litri me pakicë dhe i shitjes me shumicë 71 lekë/litër për automjetet.

(Shënim: çmimi i shitjes për gazin e lëngshëm të automjeteve do të jetë çmimi i furnizimit në stacionet e furnizimit në pikat e karburanteve, ndërkohë që në pikat e tjera për konsumatorët familjarë dhe industrial çmimi nuk duhet të përfshijë akcizën).

Çmimet e caktuara nga Bordi do të hynë në fuqi sot datë 29 Qershor ora 18.00 dhe do të jenë të vlefshme deri në mbledhjen e ardhshme të bordit ku do të pasqyrohen ndryshimet e çmimeve të shitjes.