Dita e të Pagjeturve, Kurti: Është koha që Prokuroria ta jep fjalën e vet!

Ndryshimet në Kodin Penal që u iratuan më 29 Maj 2019 mundësojnë që kriminelët e luftës të dënohen në mungesë, jemi të gatshëm të kontribuojmë si qeveri por prokuroria është koha ta jep fjalën e vet. Kështu u shpreh Kryeministri në detyrë, Albin Kurti pas homazheve që bëri me kryetaren e Parlamentit, Vjosa Osmani, te Memoriali i të Pagjeturve në Sheshin “Skënderbe”, në Ditën e të Pagjeturve.

“Plagët ngelen të hapura, ato kullojnë për familjarët dhe të gjithë shoqërinë tonë dhe nuk duhet të ketë mëshirë për kryerësit e këtyre veprave. Më 29 maj të vitit të kaluar në kuvendin e vitit të kaluar është miratuar ndryshimi i kodit penal ë mundëson që kriminelet e luftës të dënohen në mungesë dhe jemi të gatshëm të kontribuojmë si qeveri, por prokuroria është koha ta jep fjalën e vet”, ka thënë ai.

Ndërsa Vjosa Osmani tha se pa kthimin e të zhdukurve nuk mund të ketë paqe në mes Kosovës dhe Serbisë.

“Kjo do të duhej të ishte prioriteti themelor i institucioneve në të kaluarën si kërkesë themelore e Republikës së Kosovës për drejtësi, akoma nuk i ka ndarë me drejtësinë me familjet informatat se ku gjenden të zhdukurit që i kanë marrë me dhunë”.

Por, konstatoi Osmani, Serbia akoma nuk është e gatshme për paqe:

“Gjatë procesit të dialogut është thënë që ka shumë të dhëna rreth të zhdukurve në arkivin e armatës së atëhershme jugosllave dhe përkundër faktit që ato të dhëna ekzistojnë dhe janë të arkivuara asnjëherë nuk janë ndarë me Kosovën.

Serbia akoma nuk është e gatshme për paqe dhe së Kosova duhet çdo ditë e më shumë ta thotë me zë të lartë që pa kthimin e të zhdukurve, drejtësi për secilin prej tyre nuk mund të ketë paqe në mes të Kosovës dhe Serbisë”.