Dita e Verës, Bashkia Tiranë e pret në Kryeqytet

Bashkia e Tiranës edhe këtë i ka dhënë goditje qytetit të Elbasanit për Ditën e Verës ndonëse drejtohet nga socialistët duke organizuar një festë të sforcuar madhështore në Kryeqytet ndërsa protesta kundër rritjes së çmimeve vazhdojnë.

Nga ora 10:00-13:00 në skenën tek Kryeministria u ngjitën artistë të të gjithë zhanreve muzikorë, duke filluar nga Ansambli popullor , Filarmonia, Artistë dhe grupe të rinj, por edhe artistë të afirmuar. Urban Band dhe Juliana Pasha u kujdesën për ata që pranuan ta shndërrojnë “Elbasanin në Tiranë”.

Ndërkaq për të apasionuarit e muzikës klasike, Filarmonia e Tiranës performojë tek pedonalja “Murat Toptani”.

Makinat RETRO dhe lojërat sportive

Sheshi “Skënderbej” u kthye në një ambient argëtues ku do të ketë një ekspozitë të madhe nga koleksioni i makinave RETRO së bashku me automjete dhe moto të tjera epoke. Të apasionuarit pas automjeteve do të kenë mundësi të shikojnë nga afër koleksionin më të madh të makinave historike , makinave sportive dhe motorëve në një ambient festiv dhe me muzikë të zgjedhur.

Ndërkohë, nga 10:00-14:00, përpara bashkisë u improvizua një hapësirë e dedikuar për më të vegjlit. Në këtë hapësirë fëmijët me shembuj praktik tashmë kanë mundësi ta bëjnë pjesë të “Akademisë të sigurisë Rrugore” me mundësi që të praktikohen, orientohen, mësohen me shenjat dhe sinjalistikën rrugore në funksion të Kujdesit dhe Sigurisë.

Hapësira në sheshin përballë ministrisë së Mjedisit dhe Turizmit, iu dedikua patinimit, skateboardit edhe Bmx-it..

Ndërsa Parku Rinia u pushtua nga nxënësit e 4 shkollave 9-vjeçare. Nxënësit e shkollave “F.S.Noli”, “Hasan Tahsim”, “Servete Maçi” dhe “Shkolla e Kuqe” do të garojnë në tërheqje litari, loja me karrige, loja e kangurit me thasë, mundje dore, kaluçi me stafetë etj.

Bulevardi para Galerisë Kombëtare u shndërrua në fusha tenisi, basketbolli, Ping-Pongu, Taekwondo, Teqballi dhe Minikalçetoje. Gjithashtu i gjithë parku u kthye në një hapësirë për më të vegjlit. Animatorë, Cirku, Teatri i kukllave performojnë shfaqet e tyre. Fëmijët do të kenë mundësi të ndjekin shfaqe te ndryshme, face painting dhe shum aktivitete të tjera.

Biznesi dhe Panairi

Një vëmendje e veçantë në 14 mars i është kushtuar dhe biznesit dhe panairit të produkteve të zonës. Kështu, hapësira në Bulevardin para Piramidës në të dy anët e saj tashmë është mbushur me stenda Biznesi dhe Stenda për Startup që po shërbejnë për promovimin e produkteve. Ndërsa pjesëmarësit kanë mundësi të konsumojnë produkte dhe të kalojnë momente relaksi me të dashurit e tyre.

Të gjithë të apasionuarit e Librave kanë mundësi të gjejnë librat dhe autorët e preferuar në një Panair Libri. Ndërkaq, përballë ish Hotel Dajtit nga ora 08:00-16:00 është organizuar Panairi i Njësive Administrative. Ky Panair përfshin disa lloj prodhuesish te vegjël nga qyteti dhe rrethinat e Tiranës, si artizanë dhe prodhues vendas të zonës .