Dita e verës/ Sali Berisha nga Elbasani: Gëzuar Hirushen e festave tona kombëtare!
Lideri historik i Partisë Demokratike, Sali Berisha, duke uruar sot qytetarët e Elbasanit dhe mbarë Shqipërisë Ditën e Verës, apo siç do ta quante Faik Konica, Hirushen e festave tona kombëtare, tha se mesazhi më i mirë është bashkimi i demokratëve dhe idealeve të tyre të lirisë.
“Është një rast për të uruar sot qytetarët e Elbasanit dhe mbarë Shqipërisë Gëzuar Ditën e Verës, Hirushen e festave tona kombëtare siç do ta quante Faik Konica. Uroj qytetarët e Elbasanit në veçanti, të cilët kanë meritën e madhe se mbajtën gjallë më shumë se të tjerët këtë festë të mrekullueshme dhe sot Elbasani me të drejtë konsiderohet ng açdo shqiptar, kryeqyteti i festës. Festa e Ditës së Verës është festë e shndërrimeve të mëdha, e lulëzimit, e shpërthimit të burimeve, e çeljes së gjithçkaje të mirë.
Në këtë kontekst, uroj që për shqiptarët kjo ditë të sjellë ndërrimin e madh që ata presin me padurim, ndërrimin e narkoshtetit dhe rivendosjen e shtetit ligjor.
Një urim të përzemërt kam për ata qindra mijëra qytetarë shqiptarë që kanë mbushur gjatë këtyre ditëve rrugët dhe sheshet e qyteteve të vendit për të protestuar kundër një politike cinike, të pashpirt, e cila përdor si skuzë, si pretekst hijet e luftës në Ukrainë për të justifikuar rritjen dramatike, absolutisht të pajustifikuar të çmimeve të produkteve më jetike të qytetarëve shqiptarë. Tani dhe njëherë gëzuar këtë ditë për mbarë qytetarët e Elbasanit dhe mbarë shqiptarët!”
Me këtë rast lideri historik i Partisë Demokratike kishte dhe një mesazh për të gjithë ata që mendojnë të bllokojnë ndryshimet që po vijnë në partinë e shkatërruar nga Lulzim Basha:
“Kjo do jetë pranverë e përpjekjeve të mëdha të demokracisë për ngadhënjimin e saj. Mesazhi më i mirë është bashkimi i demokratëve dhe idealeve të tyre të lirisë,” tha lideri historik i PD, Sali Berisha, duke i dhënë përgjigje edhe humbësve në zgjedhje që i bëjnë thirrje të sakrifikohet për idealet e Partisë Demokratike në mënyrë që të sakrifikohet edhe shërbëtori i Kunatit:
“S’po mbroj asgjë tjetër përveç votës së lirë. E vërteta është që ka një përpjekje për të stisur një përballje mes votës së lirë dhe blofit, por atyre që e bëjnë këtë do t’u lëmë blofin në dorë.”
