Dita Ndërkombëtare e Demokracisë, Kim: Demokracitë janë të përgjegjshme para qytetarëve të tyre!

Në Ditën Ndërkombëtare të Demokracisë, Ambasada e SHBA në Tiranë shprehet se demokracia është ideal i njohur që respekton liritë, dinjitetin dhe barazinë për çdo njeri ndërsa Amabsadorja amerikane Yuri Kim në mesazhin e saj shprehet qartë se demokracitë janë të përgjegjshme para qytetarëve të tyre.

“Në nder të Ditës Ndërkombëtare të Demokracisë, Shtetet e Bashkuara theksojnë qëndrimin e tyre në mbështetje të demokracive dhe vlerave demokratike. Demokracia është ideal i njohur botërisht dhe respekton liritë, dinjitetin dhe barazinë për çdo njeri,” thekson Ambasada e SHBA në mesazhin e saj përmes rrjetit social Facebook duke sjellë të plotë Deklaratën e Sekretarit Pompeo.

Ndërkohë Ambasadorja amerikane Yuri Kim në mesazhin e saj shprehet se çdo qytetar ka të drejtë të marrë pjesë në proceset e vetëqeverisjes demokratike ndërsa përfundon:

“Demokracitë janë të përgjegjshme para qytetarëve të tyre. Ata respektojnë sundimin e ligjit, mbrojnë jetën dhe pronën, dhe respektojnë liritë, dinjitetin dhe barazinë e çdo personi.”