Dita Ndërkombëtare e të Zhdukurve, Osmani: 1.617 të zhdukur me dhunë, pengu i lirisë sonë!
Në Ditën Ndërkombëtare të të Zhdukurve, familjarët, sikurse edhe e gjithë Kosova ende është në pritje të zbardhjes së fatit të mbi 1600 personave të zhdukur me dhunë gjatë luftës së fundit në Kosovë, tha Presidentja e Kosovës, Vjosa Osmani ndërsa bëri homazhe me Kryeministrin Albin Kurti, para obeliskut në Prishtinë.
“Ata janë dhimbja dhe kujtesa jonë kolektive. Ata janë dëshmia e përpjekjes së regjimit gjenocidal serb për shfarosjen tonë. Mbi të gjitha, ata janë pengu i lirisë sonë, ndaj zbardhja e fatit të tyre është përkushtim i çdoditshëm,” tha Vjosa Osmani duke përfunduar:
“Paqe të qëndrueshme nuk mund të ketë pa zbardhjen e fatit të të zhdukurve me dhunë në luftën e fundit në Kosovë. Jemi të përkushtuar e të vendosur që fati i tyre të zbardhet, e vërteta të ngadhënjejë dhe drejtësia të triumfojë.”
Ndërsa Kryeministri i Kosovës, Albin Kurti, në shënimin e Ditës Ndërkombëtare të të Zhdukurve, tha se Serbia duhet të ballafaqohet me të kaluarën e saj e ta trajtonte seriozisht.
“Akëkënd botës, sot bashkohen për të vërtetën. Shteti ynë dhe qeveria e Republikës së Kosovës, është e përkushtuar dhe angazhohet për të vërtetën, pa dallim etnie, prejardhje e komuniteti. Pas luftës janë regjistruar, 6057 persona të zhdukur sipas Kryqit të kuq, kurse sot janë 1617 persona ende të pagjetur, shumica shqiptarë, por janë edhe serbë, romë etj. Të gjithë duhet tu zbardhet fati, pa dallim e diskriminim,” tha Albin Kurti duke shtuar se ballafaqimi me të kaluarën e kemi vënë si kapitull të veçantë që do të përshihet në marrëveshjen finale me Serbinë.
“Nuk mund të ecim drejt të ardhmen pa adresuar të kaluarën, e pa u ballafaquar me të, do të donim që ta bënte Serbia dhe të ballafaqohet me të. Si u bë që pas rënies së Millosheviçit, u zbuluan atje pesë varreza atje, me shqiptar atje, me gjithësejt 950 njerëz atje të vrarë.”
Ndryshe, Serbia vazhdon të mohojë krimet e luftës që i ka bërë në Kosovës, edhe pas 23 viteve të luftës të vitit 1999.
