Ditët e Qëndresës, Ademi: Sot rrezikojmë të humbasim Lirinë dhe Demokracinë!

Në Shkodrën simbol të antikomunizmit, simbol të përballjes me diktaturat dhe neodiktaturat, “Ditët e Qendresës” u kujtuan nga të Përndjekurit Politik Antikomunist sot kur, siç tha Kryetarja e Bashkisë Shkodër, Voltana Ademi, rrezikohen më shumë se kurrë ti humbasim, ato që janë arritur me shumë sakrifica e mund: Liria dhe Demokracia!

“Një vit nga kthimi i një borxhi për të persekutuarit dhe të përndjekurit, një vit nga vendosja e Memorialit kushtuar persekucionit dhe sakrificave të shkodranëve e shqiptarëve në 45 vite diktaturë. Në fund të një viti të vështirë për Shkodrën e Shqipërinë, që sot rrezikohen më shumë se kurrë në këto 30 vite të humbasin atë çfarë kanë arritur me shumë sakrifica e mund: Lirinë dhe Demokracinë!”

Nga Kalaja e Antikomunizmit, Shkodra, Kryetari i Shoqatës së Përndjekurve Politik Antikomunist, Nebil Çika, u shprehë:

“Jemi këtu për të mos harruar krimet e komunizmit, për të mos harruar autorët e tyre, të cilët fatkeqësisht sot janë në pushtet. Sot më shumë se kurrë Shqipëria po përjeton një diktaturë të re. Shohim që në të gjitha aktet politike, këtu po vdenoset diktatura, në politikë në drejtësi, në ekzekutiv ne kemi sot autor të drejtëpërdrejtë të krimeve ose pinjoll të tyre.”

Sot, është një ditë simboli dhe thirrje për bashkim, tha Kryetarja e Bashkisë Shkodër, Voltana Ademi, duke përfunduar:

“Për të mos harruar të shkuarën, që fëmijëve tanë t’u lëmë një Shkodër e Shqipëri jo si ajo që përjetuam ne! Përpjekja e nisur në 1990-ën me etërit, duhet të vazhdojë me largimin e bijve për të zhbllokuar edhe rrugën tonë drejtë Europës së Bashkuar!”