Diversioni i perversit, Edi Rama në tubimin e PS në Kavajë ju flet për Kryetarin e PD
Perversiteteve të tij me lakuriqësi dhe çyryk, sot Kryeministri Edi Rama në Kavajë i shtoi dhe diversionin, dhe, ndonëse ishte në një tubim elektoral të Partisë Socialiste, siç u tha zyrtarisht, me gra dhe vajza, ju foli për Kryetarin e PD duke iu referuar “Hyseni juaj”!
Pa e pasur idenë e përfaqësimit të grave në politikë por vetëm në cilësinë e dhunuesit të grave, sot Kryetari i PS, Edi Rama nga Kavaja tha se Partia Socialiste është forca politike ku gratë përfaqësohen në përqindje të larta.
Gjysma e burrave të vendit janë çyrykë, tha Edi Rama duke konsumuar edhe ato pak fjalë që i kanë mbetur në trurin e tij që po zbrazet dita-ditës dhe iu kthye akuzave ndaj PD-së ku tha se dështoi në mënyrë spektakolare edhe me primaret.
Çfarë janë primaret, ku ta dijë ky i shkreti komunist i rritur nën sqetullën e baba Kristaqit ama për çyryk, zhdukje nga lista, kënetë, buf e marrëzira të këtij lloji janë fjalët që shqiptarët taksirat e kanë dhe do ti dëgjojnë deri më 11 maj nga goja e këtij modeli paedukatë.
“Gratë në PS kanë shumë angazhim e përfaqësim. PS, në listat e mbyllura ka 52 përqind gra e vajza. Nuk do ndalemi derisa në PS të jenë 50 mijë gra e vajza. Gjysma e burrave janë çyrykë, zhyten në kënetë. Bufi po përpiqet të lodhë sa të mundet njerëzit. Hyseni juaj meriton çmimin Nobel në krahasim me ata që janë në listën e mbyllur të Tiranës.
E morën, e zhdukën nga lista kryetarin e partisë. Edhe demokratët duhet ta dinë se këto janë zgjedhje për të zgjedhur se ku do jetë Shqipëria më 2030, do të jetë në BE apo do jetë në gropë prapë. Sa herë që Shqipëria ka rënë në dorë të Bufit të Kënetës, herën e parë kishte mijëra të vdekur dhe herën e dytë, e la vendin në kopals ekonomik. Bufi ka dalë që të tërheqë Shqipërinë për hunde, për hall krejt personal. Vetëm halli personal e bën një burrë 80 vjeç e kusur dhe t’i fiket llamba tre herë në ditë kur merr fjalën. Votoni PS, siç u votua PD më 1992. Sot dhe ne duam të hyjmë në BE, edhe BE do që të jemi në Union,” tha Edi Rama duke harruar se nga viti 1944 asnjë arritje nuk ka shënuar partia e tijë komuniste, ndërsa sa i përket mijëra të vrarëve nga shteti, me përjashtim të Stalinit dhe partisë së tij, nuk i konkurron njeri në botë.
