Diversioni i radhës, Edi Rama: Për Presidentin e ri do të kunsultohemi me PD!

Pasi bashkëqeverisja me Partinë Demokratike, ngeli vetëm një diversion i Kryeministrit Edi Rama në gojën e batonëve, ai sot para deputetëve aktualë dhe të zgjedhur të Partisë Socialiste, në Pallatin e Brigadave erdhi me diversionin e radhës duke e bërë fakt të kryer shkarkimin e Ilir Metës, shtoi se për emrin e Presidentit të ri do të konsultohet me PD ndonëse kjo e fundit e akuzon për masakër elektorale më 25 Prill.

“Këtë mandat do të kushtohemi për ta qytetëruar sa më shumë të mundemi mjedisin politik dhe për të afruar talente politikë. Do iu kushtojmë rëndësi të rinjve. Tre prioritet kyçe për qeverinë. PS duhet dhe do të fuqizohet dhe në një krah të munguar deri sot një akademi politike të menaxhimit dhe lidershipit për të rinjtë.

Mesazhi i mi tretë për gjithë opinionin publik. Me Ilir Metën dhe partinë e tij nuk ka e s’do ketë asnjë bashkëpunim. Do shkarkohet nga detyra. Një personazh grotesk që e turpëron shoqërinë, Shqipërinë me praninë e tij në krye të shtetit. Shkarkimi i Ilir Metës nuk është i gjithi në dorën tonë, por do bëjmë gjithçka kemi në dorë për ta çminuar institucionin e Presidentit duke e votuar në bllok shkarkimin,” tha Edi Rama duke injoruar akuzat e Partisë Demokratike për masakër elektorale por duke vazhduar me dorën e tij të shtrirë edhe për zgjedhjen e Presidentit të ri të Republikës, ndonëse siç tha edhe vet është shumë herët:

“Është shumë herët për të folur për zëvendësimin e tij por në çdo rast qoftë para kohe, qoftë në kohë ne do konsultohemi me PD për emrin e presidentit të ri. PS ka mundësinë historike që në mandatin e tretë ta çojë Shqipërinë në një nivel tjetër.”

Për të gjithë ata që injoruan faktin e zbuluar të patronazhistëve dhe emrat e denoncuar nga PD se i shërbyen Partisë Socialiste në zgjedhje, Kryeministri Edi Rama erdhi me një lajm të hidhur duke paralajmëruar spastrime në administratën publike.

“Na duhet forcë e re për të realizuar revolucionin. Do pastrojmë administratën nga ata që janë turpi i shtetit, i joni, i vendit. do hapet rrugë e mundësi për çdo vajzë e djalë që do punësim. Dëshiroj shumë që të gjithë ju së bashku me mua të pedalojmë në të njëjtin drejtim, pa u lodhur dhe pa humbur durimin se askush mos të pengojë, por të kontribuojë e vullnet të mirë që administrata të çlirohet nga kthetrat e interesave politike dhe që fytyra jonë mos të njolloset në vazhdimësi, për shkak të atyre që përfitojnë nga interesat e këtyre kthetrave politike dhe s’bëjnë asgjë tjetër, veçse shohin xhepin e tyre.

Dua tu shpreh me gjithë zemër mirënjohjen time, për besimin e palëkundur dhe mbështetjen e pa rezervë që më dhatë për të vazhduar këtë objektiv historik. Është arritje fantastike por ndryshe nga sporti ku futorja e një kompeticioni, por fitorja në politikë është fillimi i një pune të re. Kemi qenë dhe jemi sot e gjithë ditën forca e ndryshimit. Kush do ndryshim të mëtejshëm është PS. Kjo nuk ka ardhur për inerci, por qysh në lindje të kësaj force politike ne kemi bekimin e një shtyse të ndryshimit në ADN,” tha Edi Rama edhe pse çdo ditë po dalin fakte të reja për blerje të votës dhe presion në administratë.

Por një mesazh të qartë kishte edhe për ata socialistë që e duartrokitën Edi Ramën kur foli për punën e mrekullueshme të patronazhistëve pa e kuptuar se do të vijë dita që do t’ju bie kokës. Sot, të gjithë anëtarët e Partisë Socialiste, Rama i paralajmëroi se kush nuk ka bërë sa duhet në terren, duhet t’ia lërë vendin dikujt tjetër.

“Duhet të nisim një fushatë të re hapjeje për PS-në. Kush nuk ka bërë sa duhet në terren, duhet t’ja lërë vendin dikujt tjetër. Do ngrihen komisionet rajonale të organizimit, me anëtarësime të reja. Më 12 qershor, PS mbush 12 vjeç dhe do kremtojmë këtë përvjetor shumë të rëndësishëm, ku do të paraqesim vizionin e vititi 2030. Qeveria e re do të formohet pas muajve të verës. Kongresi i Jashtëzakonshëm do të zgjedhë Asamblenë Kombëtare, ku do të hyjnë më të dalluarit.

Mandati i tretë nuk duhet t’i ngjajë mandateve më parë në raport me PD. Ne do të udhëheqim, pa humbur kohë dhe energji me akuzat banale përditë. Kemi plan ambicioz për Shqipërinë. Ne kemi marrë mandat për të çuar deri në fund punët e mira që kemi nisur,” tha Kryeministri Edi Rama duke përfunduar ashtu siç e filloi këtë fjalim revolucionar, me diversion:

“Do të jemi gati që të bashkëqeverisim me demokratët, kurdo qoftë të jetë e mundur. Do mbajmë dorën shtrirë për bashkëpunim me opozitën. Duam të ngjisim Shqipërinë, bashkë me të tjerët. Sharjeve të tyre do u përgjigjemi me idetë tona, për të dërguar punët përpara.”