Djali 7 vjeçar fotografohet në një pirg gëlqereje, për pak minuta ishte i vdekur

Një djal 7 vjeçar në Brazil ka vdekur pasi ka luajtur mbi një pirg gëlqereje e cila ishte lënë buzë rrugës.

Fotografia e fundit e Arthur Emanuel Bitencourtit tregon se si përshëndetë me gishta derisa është ulur në pirgun e pluhurit të kobshëm, i cili zakonisht përdoret në ndërtimtari dhe bujqësi.

Djaloshi u dërgua urgjentisht në spital, por me të mbërritur u shpall i vdekur. Sipas të përditshmes Jornal Razão, Arthuri ka kërcyer në pluhurin helmues i cili ndodhet në pronën familjare në Ipirang, në Paran të Brazilit.

Mjekët deklaruan se vdekja e papritur e Arthurit erdhi si pasojë e thithjes së pluhurit, raportuan mediat lokale.

Familja e tij publikoi në rrjetet sociale fotografinë e tij të fundit në shenjë kujtimi, por dhe alarmi për të tjerët.

“Kjo është fotografia e fundit dhe është shkrepur disa minuta para vdekjes së tij tragjike, që u shkaktua me thithjen e gëlqeres deri sa po luante. Kujtimet që do kem për ty, fëmija im i dashur, gjithmonë do jenë më të mira,” shkruan daja i Arthurit 7 vjeçar, Romaldo Bitencourt.

Familja e të ndjerit tha se nuk e kishte idenë e rrezikut nga gëlqerja në formë pluhuri, ndërsa policia ka filluar hetimet mbi vjdekjen e 7 vjeçarit.

Instituti brazilian për hulumtime teknologjike tha se pluhuri i gëlqeres mund të shkaktoj probleme me frymëmarrjen dhe këshillon njerëzit që të mbajnë pajisje mbrojtëse kur punojnë me të. Ngrenë dhe alarmin se pluhuri i gëlqeres mund të jetë kancerogjen, në veçanti kur ekspozohet në sasi të mëdha, dhe mund të shkaktoj dëmtim të mushkërive, raporton Jornal Razão.