Djali i Presidentit Biden akuzohet për shmangie të tatimit

Prokurorët federalë në Shtetet e Bashkuara kanë ngritur aktakuzë kundër djalit të presidentit Joe Biden, për shmangie të tatimit.

Hunter Biden “shpenzoi miliona dollarë për një mënyrë jetese ekstravagante në vend që të paguante tatimin”, tha në një deklaratë prokurori special, David Weiss.

Sipas aktakuzës, raporton RFE, Biden planifikoi shmangien nga tatimi prej se paku 1.4 milionë dollarë gjatë viteve 2016-2019.

Nëse shpallet fajtor, Hunter Biden, 53 vjeç, mund të dënohet deri në 17 vjet burgim.

Lidhur me këtë rast, avokati mbrojtës, Abbe Lowell, akuzoi prokurorin Weiss për “përkulje ndaj presionit republikan”.

“Bazuar në faktet dhe ligjin, nëse mbiemri i Hunterit nuk do të ishte Biden, akuzat në Delaware dhe tani në Kaliforni, nuk do të ishin ngritur”, tha Lowell në një deklaratë, raporton RFE.

Shtëpia e Bardhë nuk pranoi të komentojë mbi këtë çështje.