Dje anonim sot në garë për Kryetar të PD, kandidon Agron Shehaj

Më nuk është thashethem i qarqeve Anti-Bashë, sot Agron Shehaj kandidoi pë Kryetar të PD. Nuk është më ai Agroni i panjohur i vitit 2017 që e njihte vetëm Basha dhe u bë kandidat për deputet, sot Agron Shehaj është një deputet i PD i zgjedhur në Tiranë që u jep madje leksione demokratëve se si bëhet partia dhe si zgjidhet Kryetari. Këtë bëri edhe sot kur publikoi lajmin se ka kandiduar për Kryetar të Partisë Demokratike, pasi u zgjodh si anonim deputet i PD kërkon që ajo të jetë partia e anëtarëve: një parti e vërtetë demokratike, moderne dhe e hapur!

“Shqipëria ka sot nevojë për opzitë të fortë, parimore dhe frymëzuese. Shqipëria ka sot nevojë për Partinë Demokratike!
Ne demokratët do ta kapërcejmë gjendjen e vështirë ku jemi dhe do ngrihemi më të fortë se më parë. Përballë autokracisë, korrupsionit dhe paaftësisë së qeverisë, ne do të ndërtojmë alternativën e lirisë, ndershmërisë dhe aftësisë. Për këtë duhen energji të reja, vizion i ri, drejtim i ri. Me ketë bindje, kam vendosur të kandidoj për kryetar të Partisë sime,” tha Agron Shehaj duke shtuar se konkurimin nuk e sheh si garë për një post, por si një përpjekje të përbashkët me të gjithë demokratët që dëshirojnë që partia të jetë partia e anëtarëve: një parti e vërtetë demokratike, moderne dhe e hapur.

Para Agron Shehajt, sot kandidaturën e ka dorëzuar edhe Ibsen Elezi, sharësi dezhurn i Lulzim Bashës para shpalljes së të gjitha zgjedhjeve për Kryetar të PD, sot dhe kandidat i “Grupit për PD”.

Ndryshe, për zgjedhjet e 13 Qershorit, deri më sot kandidaturën për Kryetar të PD e kanë shpallur edhe Fatbardh Kadilli, Edith Harxhi dhe Lulzim Basha.

Statusi i plotë:

Shqipëria ka sot nevojë për opzitë të fortë, parimore dhe frymëzuese. Shqipëria ka sot nevojë për Partinë Demokratike!
Ne demokratët do ta kapërcejmë gjendjen e vështirë ku jemi dhe do ngrihemi më të fortë se më parë. Përballë autokracisë, korrupsionit dhe paaftësisë së qeverisë, ne do të ndërtojmë alternativën e lirisë, ndershmërisë dhe aftësisë. Për këtë duhen energji të reja, vizion i ri, drejtim i ri.

Me ketë bindje, kam vendosur të kandidoj për kryetar të Partisë sime. Konkurimin nuk e shoh si garë për një post, por si një përpjekje të përbashkët me të gjithë demokratët që dëshirojnë që partia jonë të jetë partia e anëtarëve: një parti e vërtetë demokratike, moderne dhe e hapur.

Unë besoj se çdo njeri duhet të luftojë duke dalë në shesh për atë që beson. Unë besoj se shërimi nga humbja vjen nga veprimi dhe jo nga apatia e ankimit për padrejtësitë, që sigurisht kanë ndodhur. Unë besoj se përparimi vjen përmes ndryshimit dhe jo ripërsëritjes së të njëjtave gabime.

Dua të shpreh mirënjohjen për të gjithë ju që më keni besuar e nxitur të marr përgjegjësinë e garës. Unë kam hyrë në politikë për të punuar për njerëzit, jo për t’u pasuruar dhe nuk do ju zhgënjej.