Dje dekoroi kriminelët komunistë, sot Presidenti tregon se çdo të bëjë me…

Pas kërkesës së Kryetarit të Grupit Parlamentar të Partisë Socialiste, Taulant Balla, dje Presidenti i Republikës dekoroi veteranët e luftës që instaluan pushtetin kriminal komunist “Nderi Kombit”.

Pas këtij sihariqi kriminal që i dhanë popullit shqiptar Tao dhe Likja, ky i fundit u acarua me Taon se pse ky bëri publike edhe ndryshimet ligjore që po përgatiten jo për dhënien e dekoratave, se për këtë Likja i rrinë  pronto Edi Ramës, por për format e betimit në mënyrë që të mos ndodhin bllokime institucionale, siç ndodhën me Gjykatën Kushtetuese.

“Po Presidenti çdo bëjë më pyesni ju? Si mund të mos marrë pjesë në inaugurimin e Lana Kushtetutës nga gjysmëparlamenti i oligarkëve, bandave dhe ambasadorëve të gishtit! Sigurisht që atë ditë Presidenti do të jetë vetë atje, i pari, me të gjithë popullin shqiptar!” paralajmëron Ilir Meta përmes Taos presidencial, rikthimin në parlament të Presidentit të Republikës me kriminelët komunist, pa dhënë detaje në reagimin e tij përmes rrjetit social Facebook nëse do të pushkatojnë edhe deputetët, siç bënë paraardhësit e Likes që sot janë certifikuar si “Nderi Kombit”.

Reagimi:

Të dashur kolegë gazetarë! Ju kërkoj ndjesë për reagimin e vonuar pas insistimit tuaj për një koment lidhur me sihariqin që i ka dhënë mbrëmë Tao Tao mbarë vendit tonë, se Parlamenti jokushtetues, paska vendosur që t’i rrëmbejë kompetencat kushtetuese Presidentit të Republikës, të vetmit institucion plotësisht legjitim e demokratik në vend.

Kjo është një ide gjeniale për të përshpejtuar Ramaformën dhe instaluar Drejtësinë e Re të betimeve buzë Lanës, të pastër e të kulluar si vetë uji i Lanës.

Po Presidenti çdo bëjë më pyesni ju? Si mund të mos marrë pjesë në inaugurimin e Lana Kushtetutës nga gjysmëparlamenti i oligarkëve, bandave dhe ambasadorëve të gishtit! Sigurisht që atë ditë Presidenti do të jetë vetë atje, i pari, me të gjithë popullin shqiptar!