Dje dorëzoi mandatin e deputetit, sot Jurgis Çyrbja merret i pandehur nga SPAK

Dje deputeti i Partisë Socialiste, Jurgis Çyrbja, dorëzoi mandatin e deputetit dhe sot është marrë i pandehur zyrtarisht nga SPAK për shpërdorim detyre.

Jurgis Çyrbjas i ishte komunikuar sot akuza nga Prokuroria e Posaçme për “shpërdorim detyre” në kohën kur ishte Drejtor i Hipotekës në Durrës, pas kallëzimit të Nënkryetarit të Partisë Demokratike Edi Paloka, në prill të 2021.

Në kallëzimin penal pretendohej se Jurgis Çyrbja kishte shpërdoruar detyrën si drejtues hipoteke dhe se para zgjedhjeve të prillit 2021, kur ishte kandidat për deputet, kishte shpërndarë certifikata legalizimi. 

Mësohet se pas daljes nga Prokuroria e Posaçme, ish-deputeti i PS-së, Jurgis Çyrbja, është takuar me ministrin e Drejtësisë Ulsi Manja.

Ndryshe, mandati i deputetit të PS, Jurgis Çyrbja, i takon Erjon Mekës!